Singer Sunitha: ఆ క్లారిటీ ఉందని చెబుతున్న సునీత!

December 31, 2021 / 02:17 PM ISTByFilmy Focus

Join Us

Singer Sunitha: ఆ క్లారిటీ ఉందని చెబుతున్న సునీత!

టాలీవుడ్ ఇండస్ట్రీలోని ప్రముఖ సింగర్లలో సింగర్ సునీత కూడా ఒకరనే సంగతి తెలిసిందే. ఈ ఏడాది సింగర్ సునీత ప్రముఖ వ్యాపారవేత్త రామ్ వీరపనేనిని వివాహం చేసుకున్నారు. పెళ్లి తర్వాత ఒకవైపు కుటుంబానికి ప్రాధాన్యత ఇస్తూనే మరోవైపు సింగర్ గా, డబ్బింగ్ ఆర్టిస్ట్ గా సునీత కెరీర్ ను కొనసాగిస్తున్నారు. తాజాగా ఒక యూట్యూబ్ ఛానల్ కు ఇంటర్వ్యూ ఇచ్చిన సునీత ఆసక్తికర విషయాలను చెప్పుకొచ్చారు. మ్యారేజ్ లైఫ్ ఎలా ఉందనే ప్రశ్నకు స్పందిస్తూ మ్యారేజ్ తర్వాత తాను ఏ విధంగా ఉన్నానో ఫేస్ లో స్పష్టంగా కనిపిస్తోందని పేర్కొన్నారు.

లైఫ్ లో నచ్చిన విధంగా గౌరవంగా బ్రతకాలని భావిస్తున్నానని సునీత వెల్లడించారు. ప్రస్తుతం తాను అలాగే బ్రతుకుతున్నానని తాను జీవిస్తున్న జీవితం గురించి పూర్తిస్థాయిలో క్లారిటీ ఉందని సునీత చెప్పుకొచ్చారు. తాను, తన భర్త దాదాపుగా ఒకే రంగంలో ఉన్నామని సునీత పేర్కొన్నారు. భర్తకు ఏదైనా సహాయం అవసరమైతే తాను చేస్తానని సునీత వెల్లడించారు. ప్రొఫెషనల్ లైఫ్ తో పోలిస్తే పర్సనల్ లైఫ్ కు తాను ఎక్కువగా సమయం కేటాయిస్తానని సునీత పేర్కొన్నారు.

2021 సంవత్సరంలో తాను ఎంతోమందిని పోగొట్టుకున్నానని సునీత ఎమోషనల్ అయ్యారు. ఎస్పీ బాలు మరణం తర్వాత కన్నీళ్లు రావడం ఆగిపోయాయని ఏదైనా జరిగితే బ్లాంక్ అయినట్లు అనిపిస్తుంది తప్ప తనను కదిలించడం లేదని సునీత చెప్పుకొచ్చారు. ఎస్పీ బాలు లేని లోటు తీర్చలేనిదని సునీత పేర్కొన్నారు. మరోవైపు సోషల్ మీడియాలో కూడా సింగర్ సునీత యాక్టివ్ గా ఉంటున్నారు. కెరీర్ పరంగా వరుస ఆఫర్లతో సునీత బిజీగా ఉన్నారు. ఎంతోమంది ప్రముఖ హీరోయిన్లకు సునీత డబ్బింగ్ చెప్పారు.

సినిమాలలో నటించాలని సునీతకు చాలా ఆఫర్లు వచ్చినా సునీత మాత్రం ఆ ఆఫర్లను సున్నితంగా రిజెక్ట్ చేశారు. సునీత ఓకే చెబితే స్టార్ డైరెక్టర్లు సైతం తమ సినిమాలలో ఆమెను నటింపజేయడానికి సిద్ధంగా ఉన్నారు. రెండు దశాబ్దాలుగా పైగా ఇండస్ట్రీలో కెరీర్ ను కొనసాగిస్తున్న సింగర్లలో సునీత కూడా ఒకరు కావడం గమనార్హం.