తమిళ దర్శకుడు ఏ ఆర్ మురుగ దాస్, సూపర్ స్టార్ మహేష్ బాబు కాంబినేషలో వస్తున్న యాక్షన్ థ్రిల్లర్ మూవీ స్పైడర్ లుక్, మోషన్ పోస్టర్ అందరి అభినందనలు అందుకుంది. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఏకకాలంలో తెలుగు, తమిళ భాషల్లో ఎన్.వి.ప్రసాద్ నిర్మిస్తున్న ఈ చిత్రం క్లైమాక్స్, రెండు పాటలు మినహా షూటింగ్ మొత్తం పూర్తి చేసుకుంది. ముందుగా రాసుకున్న క్లైమాక్స్ ని ఈనెల 20 నుంచి షూట్ చేయాలనీ అనుకున్నారు. కానీ క్లైమాక్స్ విషయంలో డైరక్టర్ కి కొత్త ఆలోచన రావడంతో షెడ్యూల్ పోస్ట్ పోన్ అయింది.
మురుగుదాస్ ఆ క్లైమాక్స్ ని ఈ పదిరోజుల్లో కాగితంపై ఓ కొలిక్కి తెచ్చినట్లు సమాచారం. ఈ కొత్త క్లైమాక్స్ కి మహేష్ ఓకే చెప్పడంతో తెరకెక్కించడానికి ఫిక్స్ అయ్యారు. మే మొదటి వారం నుంచి క్లైమాక్స్ షెడ్యూల్ మొదలు పెట్టడానికి చిత్ర బృందం సిద్ధమైంది. ఈ షెడ్యూల్ మే నెల చివరి వరకు సాగుతుంది. అనంతరం పాటల కోసం విదేశాలు వెళ్లనున్నారు. భారీ అంచాలున్న ఈ మూవీ ఆగస్టు 9న విడుదల కానుంది.
Also, do SUBSCRIBE to our YouTube channel to get latest Tollywood updates.
