అరబిక్ లో టాటూ వేసుకున్న శ్రీ ముఖి

సినీ తారలు ఒంటిపైన వివిధ రకాల టాటూలు వేయించుకుని వార్తల్లో నిలుస్తుంటారు. త్రిష, నయనతార, సమంత, తాప్సీ, అనసూయలు టాటూలతో అందరినీ ఆకర్షించారు. ఈ విధంగానే తాజాగా యాంకర్ శ్రీ ముఖి తన చేతిపై టాటూ వేసుకొని వార్తల్లో నిలిచింది. ప్రేమికుల దినోత్సవం సందర్భంగా ఈ టాటూ వేయించుకోవడం ఒక స్పెషల్ అయితే.. అందులోను అది అరబిక్ భాషలో ఉండడం మరింత స్పెషల్. ఇంకో విశేషం ఏమిటంటే.. టాటూ వేయించుకున్న సంగతిని ఆమె వెల్లడించడం.

“‘‘ప్రేమికుల దినోత్సవం సందర్భంగా “హుబా నఫ్సక్ ఆలా అనే టాటూ” వేయించుకున్నా. అరబిక్ లో దీని అర్ధం “ముందు నిన్ను నువ్వు ప్రేమించుకో. నేను పుట్టినప్పటి నుంచి నా ఫేవరెట్ నేనే’’అంటూ తన టాటూ గురించి వివరించింది. ప్రేమికుల రోజున మనకి ఇష్టమైన వారికి కానుక ఇస్తుంటారు. శ్రీముఖి మాత్రం తనకు తాను టాటూ రూపంలో గిఫ్ట్ ఇచ్చుకొని ప్రత్యేకత చాటుకుంది. ప్రస్తుతం ఈమె వివిధ ఛానల్లో యాంకరింగ్ చేస్తూనే సినిమాల్లోనూ మంచి పాత్రలు పోషిస్తోంది.