టాలీవుడ్ లో తెలుగు అమ్మాయిలకు అవకాశాలు ఇవ్వడం లేదు .. హీరోయిన్ ఆఫర్లు కోసం వచ్చిన అమ్మాయిలను కొంతమంది వాడుకుంటున్నారని బోల్డ్ గా మాట్లాడి వార్తల్లో నిలిచిన శ్రీ రెడ్డి.. పవన్ కళ్యాణ్ తల్లిని తిట్టి విమర్శలను ఎదుర్కొంది. ఆమె దెబ్బకి కొన్ని ఛానళ్ళుపైనా కూడా ప్రభావం పడింది. దాంతో మీడియాకి కొన్ని రోజులకు దూరంగా ఉన్న శ్రీ రెడ్డి.. తాజాగా వివాదాస్పద వ్యాఖ్యలు చేసింది. ఈరోజు హుమయూన్ నగర్ పోలీస్ స్టేషన్ కు వెళ్లిన శ్రీరెడ్డి, తనని విమర్శించిన 28మందిపై చర్యలు తీసుకోవాలని డిమాండ్ చేస్తూ, ఏసీపీ అశోక్ చక్రవర్తికి ఫిర్యాదు అందించింది. ఈ 28మందిలో జీవితా రాజశేఖర్ తో పాటు బాబు గోగినేని, పలువురు సినీ ఆర్టిస్టులు కూడా ఉండడం విశేషం.
తనపై లేనిపోని ఆరోపణలు చేస్తున్న వీళ్లపై వీలైనంత త్వరగా చర్యలు తీసుకోవాలని శ్రీరెడ్డి పోలీసులను కోరింది. అంతేకాదు పవన్ కల్యాణ్ ఫ్యాన్స్ పై కూడా ఆమె ఫిర్యాదు చేసింది. తనను ఫేస్ బుక్, వాట్సాప్ లో ఇబ్బందులకు గురిచేస్తున్న పవన్ అభిమానులకు గ్రూప్స్ పై తక్షణం చర్యలు తీసుకోవాలని డిమాండ్ చేసింది. అనంతరం మీడియాతో మాట్లాడుతూ ప్రముఖ నిర్మాత సురేష్ బాబుపై సంచలనం కామెంట్స్ చేసింది. “నిజాల్ని బయటపెట్టడంలో మీడియా సైలెంట్ గా ఉండకూడదు. సురేష్ మామ అండ్ కో చేసే అన్యాయాలు బయట ప్రపంచానికి తెలియజేయండి. చిన్న నిర్మాతల్ని సురేష్ మామ అండ్ కో, డిజిటైజేషన్ అండ్ డిస్ట్రిబ్యూషన్ లో బ్రోకరేజ్ రూపంలో తినేస్తున్నారు. చిన్న నిర్మాతలు బతకాలి.” అంటూ శ్రీరెడ్డి ఇష్టమొచ్చినట్లు ఆరోపణలు చేసింది. మరి ఈ వివాదం ఎంతవరకు వెళ్తుందో చూడాలి.
