Srikanth: ఎన్టీఆర్ కారణంగా శ్రీకాంత్ గాయాలపాలయ్యారా?

తెలుగు సినీ ఇండస్ట్రీలో హీరోగా ఎంతో మంచి సక్సెస్ అందుకున్నటువంటి నటుడు శ్రీకాంత్ ప్రస్తుతం వరుస సినిమాలలో క్యారెక్టర్ ఆర్టిస్ట్ గాను విలన్ గాను నటిస్తూ ప్రేక్షకులను మెప్పిస్తున్న సంగతి మనకు తెలిసిందే. ఇలా ఇండస్ట్రీలో స్టార్ సెలబ్రెటీగా కొనసాగుతున్నటువంటి హీరో శ్రీకాంత్ తాజాగా బిగ్ బాస్ వేదిక పైకి వచ్చి సందడి
చేశారు. ఈయన నటించిన కోటబొమ్మాలి సినిమా త్వరలోనే విడుదల కానున్న నేపథ్యంలో ప్రమోషన్లలో భాగంగా శ్రీకాంత్ ఈ కార్యక్రమంలో హాజరయ్యారని తెలుస్తోంది.

ఇందులో భాగంగా ఈయన మాట్లాడుతూ ఎన్నో విషయాలను తెలిపారు .తాను బిగ్ బాస్ కార్యక్రమం ప్రతి సీజన్ ఒక్క ఎపిసోడ్ కూడా మిస్ కాకుండా చూస్తానని శ్రీకాంత్ తెలిపారు. ఇలా తన సినిమా ప్రమోషన్లలో భాగంగా బిగ్ బాస్ వేదికపై సందడి చేసినటువంటి ఈయన కంటెస్టెంట్లతో ముచ్చటించారు. తన సినిమాల గురించి కూడా తెలియజేశారు. తాను ఎన్టీఆర్ హీరోగా నటిస్తున్న దేవర సినిమాతో పాటు రామ్ చరణ్ గేమ్ చేంజర్ సినిమాలో కూడా నటిస్తున్నానని తెలిపారు.

ఇక ఈయన కాలికి బ్యాండేజ్ కట్టుకొని ఉండడంతో నాగార్జున అసలు కాలికి ఏమైంది అంటూ (Srikanth) శ్రీకాంత్ అంటూ ప్రశ్నించగా దేవర సినిమా షూటింగ్ సమయంలో తనకు గాయం తగిలింది అంటూ సమాధానం చెప్పుకొచ్చారు. గోవాలో జరిగిన షెడ్యూల్లో భాగంగా ఇసుక తిన్నేలలో పరిగెడుతున్న సమయంలో తన కాలికి గాయం తగిలిందని శ్రీకాంత్ వెల్లడించారు. అయితే కాలు బెణికినట్టు అనిపిస్తే ఏం జరగలేదని తాను అలాగే షూటింగ్ పూర్తి చేశాను తీరా చూస్తే కాలు మొత్తం వాపు వచ్చిందని ఈయన తెలిపారు.

ఇక డాక్టర్ కి చూపించగా తాను రెస్ట్ తీసుకోవాలని చెప్పారు కానీ తాను అలాగే సినిమా షూటింగ్ మొత్తం పూర్తి చేశానని శ్రీకాంత్ తెలిపారు. ఇక నాగార్జున ఎన్టీఆర్ వల్లే ఈ గాయం తగిలిందా అంటూ సరదాగా ప్రశ్నించడంతో తన వల్ల కాదు అంటూ శ్రీకాంత్ తెలియజేశారు. ఇక దేవర గేమ్ చేంజర్ సినిమాలలో తన పాత్ర ప్రాధాన్యత ఎలా ఉండబోతుందో కూడా ఈ సందర్భంగా ఈయన తెలిపారు.

జపాన్ సినిమా రివ్యూ & రేటింగ్!

జిగర్ తండ డబుల్ ఎక్స్ సినిమా రివ్యూ & రేటింగ్!
ఈ వారం థియేటర్/ఓటీటీల్లో రిలీజ్ కాబోతున్న 35 సినిమాలు/సిరీస్..ల లిస్ట్..!