Srikanth, Allu Arjun: శ్రీకాంత్ క్షణం తీరిక లేకుండా బిజీగా ఉండాలని కోరుకున్న అల్లు అర్జున్.. ఎందుకంటే?

మెగా హీరోలు, అల్లు హీరోలు కొన్నాళ్లుగా ఎడమొహం పెడమొహం అన్నట్టు ఉంటున్నారు. అభిమానులు కూడా అంతే..! వీటికి గల కారణాలు కూడా అందరికీ తెలుసు. అయితే గతంలో అల్లు, మెగా అని సెపరేట్ ఏమీ ఉండేది కాదు. అంతా మెగా ఫ్యామిలీ గానే ఉండేవారు. అలాంటి రోజుల్లో శ్రీకాంత్ (Srikanth) చేతినిండా ఆఫర్లతో క్షణం ఖాళీగా లేకుండా బిజీ అయిపోవాలని అల్లు అర్జున్ (Allu Arjun) పూజలు చేసేవారట. అది ఎందుకో చిరంజీవి (Chiranjeevi) ఓ సందర్భంలో వివరించారు.

Srikanth, Allu Arjun

చిరంజీవి ‘శంకర్ దాదా జిందాబాద్’ ప్రమోషన్స్ లో మాట్లాడుతూ.. “అల్లు అర్జున్ కి ఓ చిన్న ఆశ ఉండేది. అదే మన ‘దేశముదురు’కి..! అదేంటంటే.. ‘శ్రీకాంత్ బాగా బిజీ అయిపోవాలి. ఒక్కరోజు కూడా ఖాళీ లేనంతగా బిజీ అయిపోవాలని’ కోరుకుంటూ పూజలు చేసేవాడు. దానికి ‘నీకేంట్రా.. శ్రీకాంత్ పై అంత ప్రేమ..? అతను అంత బిజీ అయిపోవాలని కోరుకోవడం ఏంటి?’ అని అడిగాను. అందుకు అర్జున్..’ శంకర్ దాదా జిందాబాద్’ వస్తుంది కదా..! అందులో ఏటీఎం క్యారెక్టర్ కి శ్రీకాంత్ బిజీ ఉండి వేయకపోతే..

నేను చేద్దామని’ అంటూ బదులిచ్చాడు. నాతో కలిసి నటించాలనే ఉత్సాహం అతనిలో ఉంది. భవిష్యత్తులో అది నెరవేరుతుంది అనే ఆశ అతనికి ఉంది. అల్లు అర్జున్ చేసే డాన్సులు అవి చూస్తుంటే.. చాలా గర్వంగా అనిపిస్తుంది..’శభాష్.. వారసుడొచ్చాడు’ అనే ఫీలింగ్ వస్తుంది” అంటూ చెప్పుకొచ్చారు. ఇది పాత వీడియో అయినప్పటికీ.. మెగా అభిమానులని, అల్లు అర్జున్ అభిమానులని ఖుషి చేయిస్తుంది. ఇక అల్లు అర్జున్ తో శ్రీకాంత్ ‘సరైనోడు’ (Sarrainodu) అనే సినిమాలో కలిసి నటించిన సంగతి తెలిసిందే.

Throw Back :

Mega star #Chiranjeevi about #AlluArjun #MegaStarChiranjeevi #AA22 pic.twitter.com/0KTW0JcYFU

— IndiaGlitz Telugu™ (@igtelugu) June 6, 2025

ఈ ఓపెనింగ్స్ తో టార్గెట్ రీచ్ అవ్వడం కష్టమే..!