11 Years For Srimanthudu: ‘శ్రీమంతుడు’కి 11 ఏళ్ళు.. ఎంత కలెక్ట్ చేసిందో తెలుసా?

August 9, 2026 / 11:59 AM ISTByPhani Kumar

Join Us

సూపర్ స్టార్ మహేష్ బాబు కంబ్యాక్స్ ఎప్పుడూ నెక్స్ట్ లెవెల్లో ఉంటాయి. దీనికి చాలా ఉదాహరణలు ఉన్నాయి.’టక్కరి దొంగ’ ‘బాబీ’ వంటి డిజాస్టర్స్ తర్వాత ‘ఒక్కడు’ వంటి మాస్ హిట్ ఇచ్చాడు. ‘నిజం’ ‘నాని’ వంటి డిజాస్టర్ సినిమాల తర్వాత ‘అతడు’ ‘పోకిరి’ సినిమాలతో సూపర్ కంబ్యాక్ ఇచ్చాడు. ‘సైనికుడు’ ‘అతిథి’ ‘ఖలేజా’ వంటి డిజాస్టర్స్ తర్వాత ‘దూకుడు’ తో రికార్డులు తిరగరాశాడు. అదే విధంగా ‘1 నేనొక్కడినే’ ‘ఆగడు’ వంటి డిజాస్టర్స్ తో మహేష్ బాబు పని అయిపోయింది అనుకున్న వారికి గట్టిగా సమాధానం చెప్పిన సినిమా ‘శ్రీమంతుడు'(Srimanthudu).

Srimanthudu

కొరటాల శివ దర్శకత్వంలో తెరకెక్కిన ఈ సినిమా 2015 ఆగస్టు 7న రిలీజ్ అయ్యింది. ‘మైత్రి మూవీ మేకర్స్’ సంస్థ ఈ సినిమాతో నిర్మాణ రంగంలోకి అడుగుపెట్టింది. దేవి శ్రీ ప్రసాద్ సంగీత దర్శకుడు. రిలీజ్ కి ముందు ఈ సినిమాపై ఎవ్వరికీ పెద్దగా నమ్మకం లేదు. ఎందుకంటే అదే టైమ్లో ‘బాహుబలి ది బిగినింగ్’ సినిమా బ్లాక్ బస్టర్ టాక్ తో దూసుకుపోతుంది. అయితే ‘శ్రీమంతుడు’ సినిమా మొదటి షోతోనే సూపర్ హిట్ టాక్ తెచ్చుకుని బాక్సాఫీస్ వద్ద భారీ వసూళ్లు సాధించింది.

ఈ ఆగస్టు 7తో ‘శ్రీమంతుడు’ సినిమా రిలీజ్ అయ్యి 11 ఏళ్ళు పూర్తికావస్తోన్న నేపధ్యంలో క్లోజింగ్ కలెక్షన్స్ ను ఓ లుక్కేద్దాం రండి :

నైజాం	22.34 cr
సీడెడ్	9.40 cr
వైజాగ్	5.63 cr
ఈస్ట్	6.12 cr
వెస్ట్	4.37cr
కృష్ణా	4.37 cr
గుంటూరు	5.75 cr
నెల్లూరు	2.19 cr
ఏపీ + తెలంగాణ	60.17 cr
కర్ణాటక	7.07 cr
రెస్ట్ ఆఫ్ ఇండియా	1.05 cr
తమిళనాడు (తెలుగు వెర్షన్)	1.05 cr
రెస్ట్ ఆఫ్ వరల్డ్	2.29 cr
తమిళనాడు (తమిళ్ వెర్షన్)	0.68 cr
కేరళ (తమిళ్ వెర్షన్)	0.39 cr
యూ.ఎస్.ఏ	12.50 cr
వరల్డ్ వైడ్ టోటల్	85.20 cr (షేర్)

‘శ్రీమంతుడు’ చిత్రం ప్రపంచవ్యాప్తంగా రూ.57 కోట్ల బ్రేక్ ఈవెన్ టార్గెట్ తో బరిలోకి దిగింది. ఫుల్ రన్ ముగిసేసరికి ఈ సినిమా వరల్డ్ వైడ్ గా రూ.85.20 కోట్ల షేర్ ని రాబట్టింది. అంటే బయ్యర్స్ కి రూ.28 కోట్ల లాభాలు అందించింది అని చెప్పాలి. ఆ టైమ్ కి ఇది ‘నాన్ బాహుబలి ఇండస్ట్రీ హిట్’ అనిపించింది.