“ఆగడు, బ్రూస్ లీ, మిస్టర్, అమర్ అక్బర్ ఆంటోనీ” లాంటి డిజాస్టర్ల తర్వాత శ్రీనువైట్లకి సినిమా ఆఫర్ రావడం అంటే అది ప్రపంచ వింతే అని ఇండస్ట్రీ మొత్తం ఫిక్స్ అయిపోయింది. కానీ.. ఆ వింతను నిజం చేసి చూపించాడు శ్రీనువైట్ల. త్వరలోనే ఒక సినిమా మొదలెట్టడానికి సర్వం సిద్ధం చేసుకొంటున్నాడు శ్రీనువైట్ల. అది కూడా తన కెరీర్ లో ఒన్నాఫ్ ది బిగ్గెస్ట్ హిట్ అయిన సినిమాకి సీక్వెల్ రెడీ చేస్తున్నాడు.
ఏమిటా సీక్వెల్, ఎవరా హీరో అని కంగారు పడిపోకండి. శ్రీనువైట్ల కెరీర్ లో సర్ప్రైజ్ హిట్ అయిన “ఢీ”కి సీక్వెల్ ప్లాన్ చేస్తున్నాడు శ్రీనువైట్ల. ఆ ఒరిజినల్ సినిమాలో హీరోగా నటించిన విష్ణు ఈ సీక్వెల్ లోనూ నటిస్తాడట. గత కొంతకాలంగా సినిమాలకు దూరంగా ఉంటున్న విష్ణుకి ఒక మంచి పుష్ కావాలి. ఇక శ్రీనువైట్లకి కూడా ఒక హిట్ కావాలని ప్రత్యేకంగా చెప్పాలా. ఆ విధంగా చూసుకుంటే.. “ఢీ 2″తో ఇద్దరు కెరీర్ లు అయితే మళ్ళీ బ్యాక్ టు ఫామ్ అవుతాయి లేదంటే.. మొత్తానికి ఖతం అనే చెప్పాలి.
