రవితేజ, శ్రీను వైట్ల కలయికలో మూవీ ఫిక్స్!

శ్రీనువైట్ల తొలి హీరో రవితేజ. దర్శకుడుగా నీకోసం సినిమా ద్వారా పరిచయమయ్యారు. అప్పటి నుంచి ఇద్దరి మధ్య మంచి అనుబంధం ఉంది. ఆ తర్వాత వీరిద్దరి కాంబినేషన్లో వచ్చిన వెంకీ, దుబాయ్ శీను సూపర్ హిట్ అయ్యాయి. అక్కడి నుంచి మళ్ళీ కలిసి సినిమా తీయలేదు. గత కొంతకాలంగా  శ్రీను వైట్ల సినిమాలు ఘోరంగా పరాజయం పాలవుతున్నాయి. వరుసగా నాలుగు ప్లాప్ లు అందుకున్న  శ్రీను వైట్లతో సినిమా చేయడానికి ఏ స్టార్ హీరో ముందుకు రావడం లేదు. నిర్మాతలకు కూడా వెనకడుగువేస్తున్నారు. ఇటువంటి సమయంలో రవితేజ,  శ్రీను వైట్లకి అండగా నిలిచారు. అతనితో సినిమాకి గ్రీన్ సిగ్నల్ ఇచ్చారు.

పైగా ఎటువంటి రెమ్యునరేషన్ తీసుకోనని మాట ఇచ్చారు. దీంతో తాను కూడా పారితోషికం తీసుకోకుండా సినిమా చేస్తానని మైత్రి మూవీ మేకర్స్ కి చెప్పడంతో వారు ఒకే చెప్పారు. సినిమా విజయవంతమైతే షేర్ ఇస్తానని ఒప్పందం కుదుర్చుకున్నారు. ప్రస్తుతం రవితేజ  “రాజా ది గ్రేట్” ,  విక్రమ్ సిరికొండ దర్శకత్వంలో ”టచ్ చేసి చూడు” సినిమాలను చేస్తున్నారు. ఈ రెండు సినిమాలతో పాటు  తమిళ్ లో సూపర్ హిట్ అయిన  భోగన్ సినిమాను తెలుగులో రీమేక్ చేయబోతున్నారు. దీని తర్వాత శ్రీనువైట్లతో మూవీ మొదలుకానుంది.

Also, do SUBSCRIBE to our YouTube channel to get latest Tollywood updates.