రాజమౌళి డైరెక్షన్ లో ఆర్ఆర్ఆర్ సినిమాలో, కొరటాల శివ డైరెక్షన్ లో ఆచార్య సినిమాలో నటిస్తున్న రామ్ చరణ్ ఈ సినిమాల షూటింగ్ లు పూర్తయ్యాక శంకర్ డైరెక్షన్ లో ఒక సినిమాకు ఓకే చెప్పిన సంగతి తెలిసిందే. ఆర్ఆర్ఆర్ షూటింగ్ పూర్తయ్యేలోపు భారతీయుడు2 వివాదం పరిష్కారమవుతుందని రామ్ చరణ్ భావిస్తున్నారు. ఈ ప్రాజెక్ట్ కు సంబంధించిన ప్రకటన వెలువడిన రోజు నుంచి ఈ సినిమాలో హీరోయిన్ గా కృతిసనన్, అలియా భట్ పేర్లతో పాటు మరి కొందరి పేర్లు వినిపించాయి.
అయితే తాజాగా తెలుస్తున్న సమాచారం ప్రకారం ఈ సినిమాలో మాళవికా మోహనన్ హీరోయిన్ గా ఫైనలైజ్ అయినట్టు తెలుస్తోంది. మలయాళ, తమిళ భాషల సినిమాల్లో ఎక్కువగా నటించిన మాళవికా మోహనన్ శంకర్ చరణ్ సినిమాతో టాలీవుడ్ ఇండస్ట్రీలోకి ఎంట్రీ ఇవ్వనున్నారు. విజయ్ హీరోగా తెరకెక్కిన మాస్టర్ సినిమాలో నటించి మెప్పించిన మాళవిక మోహనన్ శంకర్ చరణ్ సినిమాలో నటిస్తే తెలుగులో ఆమెకు ఆఫర్లు పెరిగే అవకాశం ఉంది. మరోవైపు శంకర్ ఈ సినిమా స్క్రిప్ట్ పనులు పూర్తి చేయడంతో పాటు ప్రీ ప్రొడక్షన్ పనులు మొదలుపెట్టారని కొన్ని లొకేషన్స్ ను అనుకున్నారని సమాచారం.
దాదాపు 200 కోట్ల రూపాయల బడ్జెట్ తో ఈ సినిమా తెరకెక్కనుందని ఇండస్ట్రీ వర్గాల్లో వినిపిస్తోంది. దిల్ రాజు ఖర్చుకు వెనుకాడకుండా ఈ సినిమాను నిర్మించనున్నారని తెలుస్తోంది. అయితే శంకర్ సినిమాలో మాళవికా మోహనన్ ఫిక్స్ అయినట్టు వార్తలు వస్తుండటంతో బాలీవుడ్ హీరోయిన్లు చరణ్ కు నో చెప్పారా అనే ప్రశ్నలు వినిపిస్తున్నాయి.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
