అక్కినేని సమంత ఏమిటి “అన్నయ్య” ఏంటి? అనుకొంటున్నారా. తమిళ దర్శకుడు అట్లీ తెలుసు కదా.. అదేనండి “రాజా రాణి, పోలీసోడు, అదిరింది” దర్శకుడు. ఈ శంకర్ అసిస్టెంట్ తీసినవన్నీ తమిళ సినిమాలే అయినప్పటికీ తెలుగువారికి సుపరిచితుడయ్యాడు. తీసిన మూడు సినిమాల్లో రెండు సమంతతో కలిసి వర్క్ చేసిన అట్లీకి ఆమెతో మంచి రిలేషన్ ఉంది. అట్లీ రైటింగ్ స్టైల్ ను ఇష్టపడే సమంత అతడ్ని ముద్ధుగా “బ్రదర్” అని పిలుస్తుందట, అట్లీ కూడా సమంతను “బ్రదర్” అనే పిలుస్తాడట. అట్లీ డైరెక్షన్ లో వచ్చిన “రాజా రాణి” సినిమాలో కూడా హీరోహీరోయిన్లు ముద్దుగా ఒకర్నొకరు “బ్రదర్-సిస్టర్” అని పిలుచుకొంటుంటారు.
ఇకపోతే.. అట్లీ దర్శకత్వంలో రూపొందిన “మెర్సల్” (తెలుగులో “అదిరింది”) తెలుగు వెర్షన్ రేపు విడుదలకానుంది. విజయ్ హీరోగా తెరకెక్కిన ఈ చిత్రం అటు తమిళనాట “జి.ఎస్.టి” అంశమై రచ్చ చేస్తుండగా.. తెలుగు వెర్షన్ కు నిన్నటివరకూ సెన్సార్ అవ్వకపోవడంతో అసలు రిలీజ్ ఎప్పుడు అవుతుందా అనే విషయంపై క్లారిటీ లేకుండాపోయింది. ఎట్టకేలకు నిన్న సాయంత్రం సెన్సార్ పూర్తి చేసుకొని రేపు విడుదలయ్యేందుకు సన్నద్ధమవుతోంది. మరి తమిళంలో మాదిరిగానే తెలుగులోనూ “అదిరింది” విజయం సాధిస్తుందో లేదో తెలియాలంటే కొన్నిరోజులు వేచి చూడాల్సిందే.
