ఈ మధ్య చాలా మంది సినీ ప్రముఖుల ఇళ్లలో విషాదాలు చోటు చేసుకున్న సంగతి తెలిసిందే.దీంతో వారి అభిమానులు కూడా చాలా బాధపడ్డారు. ఇదిలా ఉండగా..బాలీవుడ్ స్టార్ హీరో, అభిమానులు మిస్టర్ పర్ఫెక్ట్ గా పిలుచుకునే ఆమిర్ ఖాన్.. తన తల్లి జీనత్ హుస్సేన్ ను హాస్పిటల్ లో అడ్మిట్ చేయడం చర్చనీయాంశం అయ్యింది. ఆమెకు తీవ్రమైన గుండెనొప్పి రావడంతో ఆమిర్ కుటుంబ సభ్యులు ఆమెను హాస్పిటల్ లో అడ్మిట్ చేశారట.
ఈ మధ్యనే ఆమె ముంబైలోని అమీర్ ఖాన్ గృహం పంచగనిలో జరిగిన దీపావళి సంబరాల్లో కూడా పాల్గొన్నారట. కుటుంబసభ్యులతో సంతోషంగా గడుపుతున్న తరుణంలో ఆమెకు గుండె నొప్పి రావడం హాట్ టాపిక్ అయ్యింది. ఆమిర్ ఖాన్ ఆ సమయంలో తన ఇంట్లోనే ఉండటంతో ఆమెను వెంటనే తన తల్లిని బ్రిచ్ కాండీ ఆస్పత్రిలో చేర్పించినట్లు సమాచారం. ఇప్పటికైతే జీనత్ హుస్సేన్ ఆరోగ్యం నిలకడగా ఉన్నట్లు వైద్యులు తెలిపారు. ట్రీట్మెంట్ కు ఆమె రెస్పాండ్ అవుతున్నట్టు కూడా వైద్యులు తెలిపారట.
తన తల్లిని హాస్పిటల్లో చేర్పించినప్పటి నుండి ఆమిర్ ఖాన్ అక్కడే ఉన్నట్టు సమాచారం. ‘చిన్నప్పటి నుండి నా తల్లితో నాకు మంచి అనుబంధం ఉంది.నేను అనౌన్స్ చేసిన ప్రతి సినిమా ఆమెకు చూపించి ఆమె అభిప్రాయాన్ని అడిగి తెలుసుకొని దాని రిజల్ట్ ఎలా ఉండబోతుందో ముందే ఊహించగలను’ అంటూ ఆమిర్ ఓ సందర్భంలో తెలియజేసారు.
‘లాల్ సింగ్ చడ్డా’ సినిమా విషయంలో కూడా జీనత్ అభిప్రాయాన్ని అడిగి తెలుసుకున్నారట. కానీ ఈ మూవీ మాత్రం ఆశించిన స్థాయిలో సక్సెస్ కాలేదు. ఆమిర్ ఖాన్ గత సినిమాల మాదిరిగానే ఈ సినిమా కూడా ఉందని ప్రేక్షకులు ‘లాల్ సింగ్..’ ను తిప్పి కొట్టారు. ఇక ఆమిర్ తల్లికి పూర్తిగా నయం కావాలని అతని అభిమానులు కోరుకుంటూ సోషల్ మీడియాలో కామెంట్లు పెడుతున్నారు.
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
