సినిమా జనాలు ఏం చేసినా ఓ కారణముంటుంది. అందుకే ఓ అడుగు వేసేముందు ఒకటికి పదిసార్లు ఆలోచిస్తారు. అయితే కొన్నిసార్లు బోల్తా కొట్టే ప్రమాదమూ ఉందనుకోండి. అయితే నేటి తరం హీరోయిన్లు మాత్రం చాలా జాగ్రత్తగా ఉంటున్నారు. దీపం ఉండగానే ఇల్లు చక్కబెట్టుకోవాలి అన్న నానుడిని నిజం చేస్తున్నారు. అందుకే ఫేమ్‌ ఉన్నప్పుడు అన్ని వుడ్‌లు తిరిగేస్తున్నారు. ఇప్పుడు సినిమాలతోపాటు వెబ్‌ సిరీస్‌లు అంటూ మరో వేదికపై కూడా తమ జోరు చూపించడానికి సిద్ధమవుతున్నారు. ఇప్పటికే కొంతమంది నాయికలు ఈ పనిలో ఉండగా, మరికొందరు క్యూ కడుతున్నారు.
బాలీవుడ్‌లో కథానాయికలు వెబ్‌ సిరీస్‌ల్లో నటించడం చాలా రోజుల నుండి జరుగుతూనే ఉంది. రాధికా ఆప్టే, కియారా అడ్వాణీ లాంటివాళ్లు వెబ్‌ సిరీస్‌ల్లో తమ ప్రతాపం చూపిస్తున్నారు. టాలీవుడ్‌ విషయానికొస్తే ఇంకా ఆ స్థాయిలో నటించలేదు. సమంత, తమన్నా, సాయిపల్లవి… లాంటి దక్షిణాది తారలంతా ఇప్పటికే ఈ అవకాశాలు అందుకున్నారు. శ్రుతి హాసన్‌ కూడా ఓ వెబ్‌సిరీస్‌లో నటించిందని వార్తలొచ్చాయి. తాజాగా ఆ జాబితాలోకి మరో కథానాయిక రాశీ ఖన్నా చేరింది. బాలీవుడ్ అగ్ర కథానాయకుడు షాహిద్‌ కపూర్‌తో కలిసి రాశీ ఖన్నా ఓ వెబ్‌సిరీస్‌లో సందడి చేయనుందట.
‘ఫ్యామిలీ మ్యాన్‌’ వెబ్‌ సిరీస్‌తో ఇప్పటికే ఆకట్టుకున్న రాజ్‌ -డీకే త్వరలో యాక్షన్‌ థ్రిల్లర్‌ కథతో వెబ్‌సిరీస్‌ చేయడానికి రంగం సిద్ధం చేసుకున్నారు. వచ్చే జనవరిలో చిత్రీకరణ మొదలవతుందట. ఇందులో షాహిద్‌ కపూర్‌ సరసన రాశీ ఖన్నా నటిస్తోందని టాక్‌. ఈ సిరీస్‌లో విజయ్‌ సేతుపతి కూడా నటిస్తున్నాడని సమాచారం. మరోవైపు రాజ్‌ – డీకే సిద్ధం చేసిన ‘ది ఫ్యామిలీ మేన్‌ 2’తోనే సమంత వెబ్‌ ప్రపంచంలోకి అడుగు పెట్టింది. త్వరలో ఈ సిరీస్‌ లైవ్‌ అవుతుంది.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
Home