బిగ్ బాస్ షో.. హిందీ కలర్స్ ఛానల్ ల్లో ప్రసారమయ్యే ఈ కార్యక్రమం గురించి తెలుగు రాష్ట్రాల్లో కొంతమందికే తెలుసు. ఈ షోకి హోస్ట్ గా ఎన్టీఆర్ సెలక్ట్ కావడంతో అందరూ ఈ షో గురించి తెలుసుకున్నారు. తెలుగులో మా ఛానల్ వాళ్లు నిర్మించడానికి సిద్ధమయ్యారు. హోస్ట్ ఎన్టీఆర్ అని అధికారికంగా ప్రకటించారు. తెలుగుతో పాటు కన్నడ, తమిళంలో కూడా ఈ షో తెరకెక్కుతోంది. కన్నడలో సుదీప్, తమిళంలో కమల హాసన్ హోస్ట్ గా వ్యవహరిస్తున్నారు. ఇక వీరి రెమ్యునరేషన్స్ గురించి అభిమానులు ఆరా తీయడం మొదలెట్టారు. హిందీలో ప్రసారమయ్యే బిగ్ బాస్ షోకి గత కొన్ని సీజన్స్ లో సల్మాన్ ఖాన్ హోస్ట్ గా చేస్తున్నారు.
అతను ఎపిసోడ్ కి 6 కోట్లు అందుకుంటున్నారు. ఎన్టీఆర్ కి స్టార్ మా టీవీ వాళ్ళు ఒక సీజన్ కి పాతిక కోట్లు ఇస్తున్నట్లు సమాచారం. ఇప్ప‌టికే క‌న్న‌డంలో నాలుగు సీజ‌న్లు పూర్త‌యింది. ఒక్కో సీజన్ కి సుదీప్ 5 కోట్లు తీసుకున్నారు. క‌మ‌ల్‌హాస‌న్ ఒక సీజన్ కి 15 కోట్లు అందుతోంది. ఇలా బిగ్ బాస్ షోలో సల్మాన్ తర్వాత ఎక్కువ రెమ్యునరేషన్ ఎన్టీఆర్ అందుకుంటున్నారు. దీనిని బట్టి అతని రేంజ్ అర్ధమవుతోంది. ఇక ఈ షో టీఆర్పీ లోను రికార్డులు సృష్టించడం గ్యారంటీ.
Also, do SUBSCRIBE to our YouTube channel to get latest Tollywood updates.
