కాజల్ తనకి బహుమతిగా లభించిన ‘రాడో’ వాచ్ తో ఒక ఫోటోను ఇటీవల ఇన్స్టా గ్రామ్ లో పోస్ట్ చేసింది. అది పెయిడ్ పోస్ట్ అనే విషయం రెగ్యులర్ గా సోషల్ మీడియా ఫాలో అయ్యే అందరికీ తెలిసిందే. అయితే.. అనూహ్యంగా ఆ వాచ్ ఆమెకు ఫ్రీగా గిఫ్ట్ ఇవ్వడంతోపాటు సదరు పోస్ట్ పెట్టినందుకు ఆమెకు ఏకంగా పదిలక్షల రూపాయల మొత్తాన్ని అందించారట సదరు సంస్థ ప్రతినిధులు. సాధారణంగా బాలీవుడ్ లో విపరీతమైన క్రేజ్ ఉన్న కథానాయికలకు మాత్రమే ఈ తరహా పెయిడ్ ప్రమోషన్స్ కి భారీ మొత్తాలు పారితోషికంగా లభిస్తుంటాయి. కానీ.. కాజల్ కి పది లక్షల రూపాయల మొత్తం పారితోషికంగా ఇవ్వడంతోపాటు ఆమె పెట్టుకొన్న రెండు లక్షల విలువ గల వాచ్ ను కూడా బాగుమతిగా ఇవ్వడం పట్ల అందరూ ఆశ్చర్యం వ్యక్తం చేస్తున్నారు.
ఇకపోతే.. కాజల్ నటిస్తున్న తాజా చిత్రం “అ!” టీజర్ ఇప్పుడే విడుదలైంది. ఆమె కనిపించింది ఒక్క క్షణమే అయినప్పటికీ ఆమె మేకప్ లేకుండా నటిస్తోందని అర్ధమవుతోంది. నిన్నమొన్నటివరకూ గ్లామర్ రోల్స్ చేస్తూ వెళ్ళిన కాజల్ ఇప్పుడు నటనకు ప్రాధాన్యమున్న పాత్రలను ఎంపిక చేసుకుంటుండడం చూస్తుంటే నటిగా ఆమెలో వచ్చిన మార్పు అర్ధమవుతుంది. ఏదేమైనా సినిమాల్లోనే కాక వాణిజ్యప్రపంచంలోనూ కాజల్ సృష్టిస్తున్న హల్ చల్ కి మిగతా హీరోయిన్లు చిన్నబుచ్చుకుంటున్నారు.
