లేడీ డైరెక్టర్ కి మహేష్ ఛాన్స్ ఇస్తాడా..?

సూపర్ స్టార్ మహేష్ బాబు ప్రస్తుతం ‘సర్కారు వారి పాట’ సినిమా షూటింగ్ లో బిజీగా గడుపుతున్నాడు. ‘గీత గోవిందం’ ఫేమ్ పరశురామ్ డైరెక్ట్ చేస్తోన్న ఈ సినిమా షూటింగ్ దుబాయ్ లో జరుగుతోంది. వచ్చే ఏడాది సంక్రాంతికి సినిమాను రిలీజ్ చేయాలని ప్లాన్ చేస్తున్నారు. ఇదిలా ఉండగా.. ఈ సినిమా తరువాత మహేష్ బాబు ఎవరితో కలిసి పని చేయబోతున్నాడనే దానికి సంబంధించి ఓ ఆసక్తికర విషయం చక్కర్లు కొడుతోంది. ప్రముఖ లేడీ డైరెక్టర్ సుధా కొంగర తన కథతో మహేష్ ని మెప్పించాలని ప్లాన్ చేస్తుంది.

మొదటి నుండి కూడా వైవిధ్యమైన సినిమాలతో తన సత్తా చాటుతోన్న ఈ లేడీ డైరెక్టర్ ఇటీవల ‘ఆకాశం నీ హద్దురా’ సినిమాతో మరో భారీ విజయాన్ని తన ఖాతాలో వేసుకుంది. అమెజాన్ ప్రైమ్ లో విడుదలై ఈ సినిమా ఇప్పుడు ఆస్కార్ నామినేషన్స్ రేసులో ఉన్నట్లు తెలుస్తోంది. ఈ సినిమా తీసుకొచ్చిన పేరుతో సుధా కొంగర తన తదుపరి సినిమా స్టార్ హీరోతో చేయాలని నిర్ణయించుకుందట. ఈ క్రమంలో మహేష్ బాబు కోసం కథ సిద్ధం చేసుకున్నట్లు తెలుస్తోంది. మల్టీ లింగ్యువల్ ప్రాజెక్ట్ గా దీన్ని తెరకెక్కించాలని భావిస్తుంది.

త్వరలోనే మహేష్ ని కలిసి తన కథను నేరేట్ చేయబోతుంది. అలానే మరోపక్క అజిత్ తో కూడా సినిమా చర్చల దశల్లో ఉంది. దాదాపుగా ఈ ప్రాజెక్ట్ ఖాయమని అంటున్నారు. ప్రస్తుతం మహేష్ బాబుకి సినిమాల విషయంలో ఎలాంటి తొందర లేదు. తనకు కథ నచ్చితేనే సుధా కొంగరకి ఓకే చెప్పే ఛాన్స్ ఉంది. చాలా రోజులుగా సుధా కొంగర తెలుగులో స్ట్రెయిట్ ఫిలిం డైరెక్ట్ చేయాలనుకుంటుంది. అన్నీ అనుకున్నట్లుగా జరిగితే అది మహేష్ సినిమానే అవ్వొచ్చు.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!