ఈ మధ్య కాలంలో వచ్చిన మొదటి పెద్ద సినిమా “వి”. అలాగే OTT ప్లాట్ ఫార్మ్ లో విడుదలైన మొదటి పెద్ద సినిమా కూడా. ఈ భారి యాక్షన్ డ్రామా కు దర్శకత్వం వహించింది ఇంద్రగంటి మోహన కృష్ణ. నిర్మాత దిల్ రాజు. ఈ సినిమాలో కనులను మెప్పించే యాక్షన్ సన్నివేశాలు చాలానే ఉన్నాయి. వాటిని అద్భుతంగా చిత్రీకరించింది కెమెరామెన్ పిజి విందా అయితే, ఆ సన్నివేశాలకు ప్రాణం పోసింది మాత్రం హీరో సుధీర్ బాబు అని చెప్పాలి.
సుధీర్ బాబు యాక్షన్ ఎపిసోడ్స్ కి ప్రేక్షకుల నుంచి చాలా మంచి స్పందన లభిస్తోంది. సుదీర్ బాబు ని మేజర్ అట్రాక్షన్ గా కూడా కొనియాడుతున్నారు ప్రేక్షకులు. అతను చేసిన ఫైట్స్, డ్యాన్స్లు, అలాగే పాత్ర పరిధిలో కనబర్చిన అద్భుత నటన ఈ చిత్రానికి ఆకర్షణగా నిలిచాయి. నిజం చెప్పాలంటే ఓ కొత్తదనం తీసుకొచ్చాయి. వి నానికి 25 వ చిత్రం. ఇందులో విలన్ గా నటించిన నాని, హీరోగా తన సినిమాను కూడా ఇంద్రగంటి మోహనకృష్ణ దర్శకత్వంలోనే చేయడం గమనార్హం.
Home