Sudigali Sudheer: సుధీర్ ఇంట్లో విషాదం.. స్టేజి పైనే కన్నీళ్లు పెట్టుకున్నాడు..!

ఇటీవల సుడిగాలి సుధీర్ ఇంట్లో విషాదం చోటు చేసుకోవడం చర్చనీయాంశం అయ్యింది. సుధీర్ వాళ్ళ అమ్మమ్మ గారు ఇటీవల మృతి చెందారు. ఈ విషయం తెలిసినప్పటికీ వెళ్లలేని పరిస్థితుల్లో సుధీర్ ఉన్నాడు. వరుసగా షూటింగ్లో ఉండడం వలన బాధను దిగమింగి షూటింగ్లో పాల్గొన్నట్టు సుధీర్ సన్నిహిత వర్గాల సమాచారం. ఈ విషయం పై సుధీర్ స్నేహితుడు రామ్ ప్రసాద్ కూడా ‘శ్రీదేవి డ్రామా కంపెనీ’ షో లో చెప్పుకొచ్చాడు. దానికి సంబంధించిన ప్రోమో ఇటీవల విడుదలైంది.

ఆ ప్రోమోలో సుధీర్ వాళ్ళ అమ్మమ్మ ఫోటోని కూడా చూపించడం జరిగింది. సుధీర్ కూడా స్టేజి పైనే కన్నీళ్ళు పెట్టుకున్నట్టు కూడా ఈ ప్రోమోలో చూపించారు. ప్రస్తుతం ఇది వైరల్ అవుతుంది.’జబర్దస్త్’ కామెడీ షోతో పాపులర్ అయిన సుధీర్ ఆ తర్వాత ఢీ షో తో మరింత క్రేజ్ ను సంపాదించుకున్నాడు. ప్రస్తుతం ‘శ్రీదేవి సోడా సెంటర్’ అనే షోలో కూడా పాల్గొంటున్నాడు. హీరోగా కూడా రెండు సినిమాల్లో నటించాడు.

ఇందులో ‘సాఫ్ట్ వేర్ సుధీర్’ పర్వాలేదనిపించింది కానీ ‘3 మంకీస్’ చిత్రం డిజాస్టర్ అయ్యింది.దాంతో హీరోగా కాకుండా పలు సినిమాల్లో ప్రాముఖ్యత కలిగిన పాత్రల్లో నటిస్తూ వస్తున్నాడు సుధీర్. ఇక పండుగలు వచ్చినప్పుడు ‘జీ తెలుగు’ ‘స్టార్ మా’ ‘ఈ టీవీ’ వంటి ఛానల్ వారు నిర్వహించే స్పెషల్ షో లో సుధీర్ కచ్చితంగా పాల్గొంటూ వస్తున్న సందర్భాలను మనం చూస్తూనే వస్తున్నాం.

టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!