Sudigali Sudheer: జబర్దస్త్ కు సుధీర్ గుడ్ బై.. కారణాలివే?

బుల్లితెర కామెడీ షోలలో ఒకటైన జబర్దస్త్ షో ద్వారా గుర్తింపు తెచ్చుకున్న కమెడియన్లలో సుడిగాలి సుధీర్ ఒకరు. గత కొన్నేళ్లుగా ఈ షో టాప్ రేటింగ్ తో కొనసాగుతుండగా సుధీర్ రష్మీ జోడీకి ఉన్న క్రేజ్ వల్ల ఈ షోకు చెప్పుకోదగ్గ స్థాయిలో రేటింగ్స్ వస్తున్నాయి. ఎక్స్ట్రా జబర్దస్త్ షోకు సుధీర్ టీమ్ చేస్తున్న కామెడీ హైలెట్ గా నిలుస్తుండటంతో పాటు ఈ టీంకు సంబంధించిన స్కిట్లు ప్రేక్షకులను ఆకట్టుకుంటున్నాయి.

జబర్దస్త్ షో ఎంతోమంది కమెడియన్లకు లైఫ్ కూడా ఇచ్చిందనే సంగతి తెలిసిందే. అయితే ఎక్ట్రా జబర్దస్త్ షోకు సుడిగాలి సుధీర్ గుడ్ బై చెప్పాడనే కామెంట్లు వినిపిస్తున్నాయి. వెబ్ మీడియాలో సినిమాల్లో బిజీ కావడం వల్ల సుధీర్ ఈ షోకు గుడ్ బై చెప్పాడని ప్రచారం జరుగుతున్నా సుధీర్ తనను ఎక్స్ట్రా జబర్దస్త్ నుంచి జబర్దస్త్ కు మార్చాలని కోరాడని అందుకు జబర్దస్త్ వ్యవహారాలు చూసే వాళ్లు నిరాకరించడంతో సుధీర్ ఆ షోకు గుడ్ బై చెప్పాలని నిర్ణయం తీసుకున్నారని సమాచారం.

అయితే ఎక్స్ట్రా జబర్దస్త్ కు దూరమైనా ఈటీవీలో ప్రసారమయ్యే ఇతర ప్రోగ్రామ్స్ లో మాత్రం సుధీర్ కనిపిస్తారని బోగట్టా. అయితే మల్లెమాల నిర్వాహకులు సుధీర్ తో సంప్రదింపులు జరుపుతున్నారని తెలుస్తోంది. ఎక్స్ట్రా జబర్దస్త్ కు సుధీర్ దూరమైతే మాత్రం ఆ షో నిర్వాహకులకు భారీగా నష్టం తప్పదని చెప్పవచ్చు. సుధీర్ ఈ వార్త గురించి స్పందించి వివరణ ఇవ్వాల్సి ఉంది. ఎక్స్ట్రా జబర్దస్త్ కు సుధీర్ దూరమైతే రామ్ ప్రసాద్, గెటప్ శ్రీను కొనసాగుతారో లేక వాళ్లు కూడా ఈ షోకు దూరమవుతారో తెలియాల్సి ఉంది.

పుష్పక విమానం సినిమా రివ్యూ & రేటింగ్!

Most Recommended Video

ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!