Janaka Aithe Ganaka: పోస్ట్ పోన్ అయిన ‘జనక అయితే గనక’.. కారణం అదేనట..!

సుహాస్ (Suhas)  హీరోగా సందీప్ బండ్ల దర్శకత్వంలో ‘జనక అయితే గనక’ (Janaka Aithe Ganaka) అనే సినిమా రూపొందింది. విపిన్ సంగీర్తన ఇందులో హీరోయిన్. ‘దిల్ రాజు ప్రొడక్షన్స్’ బ్యానర్ పై హర్షిత్ రెడ్డి (Harshith Reddy), హన్షిత రెడ్డి (Hanshitha Reddy)..లు సంయుక్తంగా నిర్మిస్తున్న ఈ చిత్రానికి దిల్ రాజు (Dil Raju) సమర్పకులుగా వ్యవహరిస్తున్నారు. ఈ చిత్రం టీజర్, ట్రైలర్..లకి మంచి రెస్పాన్స్ లభించింది. మిడిల్ క్లాస్ ఫ్యామిలీకి చెందిన హీరో పెళ్ళైనప్పటికీ.. ఆర్ధిక పరిస్థితులు మెరుగ్గా లేకపోవడం వల్ల పిల్లలు వద్దు అనుకుంటాడు.

Janaka Aithe Ganaka

ఈ క్రమంలో సేఫ్టీ వాడినప్పటికీ.. అతని భార్య గర్భం దాల్చుతుంది. దీంతో అతను కం*మ్ ఫ్యాక్టరీ పై కేసు వేస్తాడు. ఆ తర్వాత ఏం జరిగింది అనే ఇంట్రెస్టింగ్ పాయింట్ తో ‘జనక అయితే గనక’ (Janaka Aithe Ganaka) రూపొందింది. ఇక ఈ చిత్రాన్ని సెప్టెంబర్ 7 న విడుదల చేస్తున్నట్టు మేకర్స్ ప్రకటించారు. నిన్నటికి నిన్న సెప్టెంబర్ 6 సాయంత్రం నుండే ప్రీమియర్స్ వేస్తున్నట్టు కూడా సోషల్ మీడియా ద్వారా తెలిపారు.

కానీ అలా ప్రకటించి 24 గంటలు కాకుండానే.. ‘జనక అయితే గనక’ (Janaka Aithe Ganaka)  పోస్ట్ పోన్ అని చెప్పి షాకిచ్చారు. ‘ఇప్పుడు వర్షాల మోత.. తర్వాత నవ్వుల మోతతో కలుద్దాం’ అంటూ ఓ పోస్టర్ తో ఈ విషయాన్ని తెలియజేశారు ‘జనక అయితే గనక’ మేకర్స్. అయితే కొత్త రిలీజ్ డేట్ ఏంటి అన్నది ప్రకటించలేదు.

తెలుగు రాష్ట్రాల్లో ఎడతెగకుండా వర్షాలు కురుస్తున్నాయి. ప్రేక్షకులకి ఇప్పుడు థియేటర్లకి వచ్చే మూడ్ లేదు. ఒకవేళ వాళ్ళు థియేటర్ కి వెళ్ళాలి అనుకుంటే.. ‘సరిపోదా శనివారం’ (Saripodhaa Sanivaaram)  ఫస్ట్ ఆప్షన్ గా ఉంది. అందుకే ‘జనక అయితే గనక’ మేకర్స్ ఈ నిర్ణయం తీసుకున్నట్టు స్పష్టమవుతుంది.

‘బిగ్ బాస్ 8 ‘ : నామినేషన్స్ లో ఏడిపించేసిన మణికంఠ!