‘బిగ్ బాస్ 8’ (Bigg Boss 8 Telugu) గ్రాండ్ గా ప్రారంభమైంది. ఎంతో ఆనందంగా హౌస్లోకి వెళ్లిన కంటెస్టెంట్స్.. మెల్ల మెల్లగా వాళ్ళ మాస్కులు తీసేసి అసలు రూపాలు చూపిస్తున్నారు. వీరి మధ్య మరింత హీట్ పెంచేందుకు నామినేషన్స్ అనే ప్రక్రియని ఎంచుకున్నాడు ‘బిగ్ బాస్’ (Bigg Boss 8 Telugu) . దానికి సంబంధించిన ప్రోమో కొద్దిసేపటి క్రితం బయటకి వచ్చింది. తొలివారం నామినేషన్స్లో ఒకరి మీద మరొకరు నిందలు మోపుకున్నారు. ఈసారి కూడా గొడవలన్నీ కిచెన్లోనే మొదలైనట్టు స్పష్టమవుతుంది. నిన్నటి ఎపిసోడ్ లో చికెన్, గుడ్డు, వెజ్ కూర అంటూ కారణాలు చెప్పుకుని కొందరు బేబక్కని నామినేట్ చేసినట్టు స్పష్టమవుతుంది.
దానిని మరింతగా కొనసాగిస్తూ లేటెస్ట్ ప్రోమో వదిలినట్టు తెలుస్తుంది. అటు తర్వాత సోనియా, విష్ణు ప్రియ..ల మధ్య హీటెడ్ ఆర్గ్యుమెంట్ చోటు చేసుకుంది. ‘రెస్పాన్సిబిలిటీ లేనప్పుడు.. మానేసి.. పక్కకి వెళ్లి చిల్ అవ్వు’ అంటూ ఆమెకు పెద్ద కౌంటర్ వేసింది సోనియా. ఈ క్రమంలో అభయ్ నవీన్.. మణికంఠని (Naga Manikanta) నామినేట్ చేసినట్టు ఉన్నాడు. అందువల్ల వీరి మధ్య కూడా వాగ్వాదాలు చోటు చేసుకున్నాయి. శేఖర్ బాషా కూడా.. మణికంఠని నామినేట్ చేయడానికి.. ‘ప్రతి విషయాన్ని నువ్వు రాజకీయం చేస్తున్నావ్’ అంటూ పలకడంతో మణికంఠ బాగా ఎమోషనల్ అయిపోయినట్టు ఉన్నాడు.
‘ఏంటి రాజకీయమా? నేను చావు వరకు వెళ్ళొచ్చాను.. మీరు చూడలేదు.. నేను అందర్నీ పోగొట్టుకున్నా.. తల్లి లేదు తండ్రి లేడు.. ఎన్నో అవమానాలు ఎదుర్కొన్నాను.. అమ్మ చనిపోతే కట్టెలు పేర్చడానికి డబ్బులు లేక అడుక్కుని తీసుకొచ్చి దహన కార్యక్రమాలు పూర్తి చేశాను’ అంటూ పలికి అందరినీ ఏడిపించేశాడు. మొత్తం ప్రోమోలో దీనినే హైలెట్ చేశారు. మరి ఇంకా ఏం జరిగిందో నేటి ఎపిసోడ్లో చూడాలి.
