సుకుమార్ త్వరలో మహేష్ బాబును హీరోగా పెట్టి ఓ సినిమా తీయనున్న విషయం తెలిసిందే. మైత్రీ మూవీ మేకర్స్ నిర్మించనున్న ఈ సినిమా కోసమో లేక తన డైరెక్షన్ డిపార్ట్ మెంట్ లోని బుచ్చిబాబు దర్శకత్వంలో మెగా హీరో వైష్ణవ్ తేజ్ హీరోగా తెరకెక్కనున్న సినిమా కోసమే తెలియదు కానీ.. సుకుమార్ “హర హర మహదేవ్” అనే టైటిల్ ను రిజిష్టర్ చేయించాడు. ఈ విషయం బయటకి తెలిసినప్పట్నుంచి.. ఈ టైటిల్ ఎవరి కోసమే అనే డిస్కషన్ మొదలైంది.
అయితే.. మహేష్-సుకుమార్ ల సినిమా ఎర్ర చందనం నేపధ్యంలో తెరకెక్కనున్న సినిమా కావడంతో ఆ చిత్రానికి ఈ టైటిల్ సరిపడదు కాబట్టి.. మెగా హీరోల్లో 14వ వాడైన వైష్ణవ్ తేజ్ కోసమే ఈ టైటిల్ అని స్పష్టమవుతోంది. జాలర్ల జీవితం నేపధ్యంలో తెరకెక్కనున్న ఈ చిత్ర ప్రారంభోత్సవం ఇటీవల జరిగిన విషయం తెలిసిందే. మెగా హీరో కోసమే ఈరేంజ్ పవర్ ఫుల్ టైటిల్ రిజిష్టర్ చేయించాడంటే.. ఇక మహేష్ బాబు లాంటి స్టార్ హీరో కోసం ఇంకెంత మంచి టైటిల్ సెలక్ట్ చేశాడో అని ఆలోచిస్తున్నారు మహేష్ ఫ్యాన్స్.
Home