“నక్షత్రం” సినిమాలో సందీప్ రోల్ అదే..!!

క్రియేటివ్ జీనియస్ కృష్ణవంశీ దర్శకత్వంలో సందీప్ కిషన్ నటిస్తున్న “నక్షత్రం” షూటింగ్ ప్రస్తుతం హైద్రాబాద్ లోని మణికొండ ప్రాంతంలో జరుగుతోంది. సందీప్ సరసన రెజీనా కథానాయికగా నటించనున్న ఈ చిత్రంలో సుదీప్, ప్రకాష్ రాజ్ లు కీలకపాత్రలు పోషించనుండగా.. కాజల్ ఓ ప్రత్యేక పాత్ర పోషించనుంది.

ఇకపోతే.. సందీప్ కిషన్ ఈ సినిమాలో ఓ కానిస్టేబుల్ గా కనిపించనున్నాడని తెలుస్తోంది. పోలీస్ అవ్వడమే ధ్యేయంగా ఎదిగిన ఓ కుర్రాడు మొదట కానిస్టేబుల్ గా తన కెరీర్ ను ఆరంభించి.. ఆ తర్వాత ఉన్నత స్థానానికి ఎదగడానికి ఎటువంటి సమస్యలు ఎదుర్కొన్నాడు అనేది “నక్షత్రం” చిత్ర కథాంశం అని తెలుస్తోంది!