గేమ్ ఆఫ్ త్రోన్స్ లో నటించే అవకాశాన్ని కాదన్న సన్నీ

సినిమాలోని కంటెంట్ తో సంబంధం లేకుండా కేవలం సన్నీలియోన్ అనే పేరు తెరపై కనిపిస్తే చాలు థియేటర్లు ఫుల్ అయిపోయే పరిస్థితి నెలకొని ఉంది. ఆమెకు బాలీవుడ్ లో మాత్రమే కాకుండా తెలుగు, తమిళ భాషల్లోనూ భీభత్సమైన క్రేజ్ ఏర్పడింది. అందుకే ఆమెకు వరుస ఆఫర్లు క్యూ కడుతున్నాయి. తాజాగా సన్నీలియోన్ కు హాలీవుడ్ నుంచి కూడా ఆఫర్లు రావడం మొదలైంది. అయితే.. హాలీవుడ్ నుంచి సన్నీలియోన్ కు వచ్చిన ఆ ఆఫర్ పాపులర్ వెబ్ సిరీస్ అయిన “గేమ్ ఆఫ్ త్రోన్స్” నుంచి.

ఈ వెబ్ సిరీస్ కొత్త సీజన్ త్వరలో విడుదలవుతుండగా.. నెక్స్ట్ సీజన్ కోసం సన్నీలియోన్ ను సంప్రదించారట. న్యూడ్ & సెక్స్ సీన్స్ కు పేరుగాంచిన ఆ వెబ్ సిరీస్ లో సన్నీలియోన్ కు ఆఫర్ చేసిన ఆ రోల్ లో లెక్కకుమించి న్యూడ్ సీన్స్ తోపాటు బోలెడన్ని శృంగార సన్నివేశాలు కూడా ఉన్నాయట. దాంతో.. ఇప్పుడిప్పుడే తనకు వస్తున్న ఇమేజ్ ను ఈ వెబ్ సిరీస్ పాడుచేసే అవకాశం ఉందని తెలుసుకొని.. హాలీవుడ్ ఆఫర్ అయినప్పటికీ.. సింపుల్ గా నో చెప్పేసిందట సన్నీలియోన్.