నిర్మాతగా మారిన శృంగార తార!

శృంగార తార సన్నీ లియోన్ నిర్మాతగా మారుతోంది. ఈ ఇండో కెనడియన్ భామ గతంలో నీలి చిత్రాల్లో నటించడంతో పాటు నిర్మించిన అనుభవం ఉంది. పలు చిత్రాలకు దర్శకత్వం వహించింది కూడా. హిందీ చిత్ర పరిశ్రమలో నటిగా బిజీ అయిన తర్వాత పూర్వాశ్రమంలో చేసిన ఉద్యోగాలకు రాజీనామా చేసింది. కేవలం నటన మీదే దృష్టి పెట్టింది. మళ్లీ నిర్మాణ సంస్థను తెరపైకి తీసుకొస్తుంది. త్వరలో హిందీ చిత్రం నిర్మిస్తుంది. దర్శకత్వ బాధ్యతలను మరొకరికి అప్పగించింది. థ్రిల్లర్ డ్రామాగా ఈ చిత్రం తెరకెక్కనుంది. జూలై, ఆగస్టు నెలల్లో చిత్రీకరణ ప్రారంభించడానికి సన్నాహాలు చేస్తుందీ సుందరి. నిర్మాతగా మారడానికి ఈ కథే బెస్ట్ ఐడియా. త్వరలో మిగతా వివరాలు వెల్లడవుతాయని సన్నీ లియోన్ తెలిపింది. ఓ సూపర్ హీరో చిత్రంతో నిర్మాతగా మారాలని సన్నీ మొదట్లో భావించింది. ప్రస్తుతం ఆ చిత్రాన్ని పెండింగ్ లో పెట్టింది. ఇంకా సన్నీ లియోన్ మాట్లాడుతూ.. “సూపర్ హీరో చిత్రం చర్చల దశలో ఉంది. దానికంటే ముందు థ్రిల్లర్ డ్రామా చిత్రీకరణ మొదలవుతుంది. సాధారణ చిత్రంతో నిర్మాణ సంస్థ ప్రారంభించాలని అనుకోవడం లేదు. కథ మరోస్థాయిలో ఉండాలని ఈ చిత్రం ప్రారంభిస్తున్నాను. సూపర్ హీరో చిత్రానికి ఏడాదిన్నర సమయం పడుతుంది. ప్రస్తుతానికి నా దృష్టంతా థ్రిల్లర్ చిత్రం మీదే” అని చెప్పింది. సన్నీ ప్రధాన పాత్రలో నటించిన ‘వన్ నైట్ స్టాండ్’ ప్రచార చిత్రం ఇటీవల విడుదలైంది. అలవాటైన రీతిలో మరోసారి అందాలు ఆరబోస్తూ, సన్నీ రెచ్చిపోయింది.