మే 6 న ‘సుప్రీమ్’.. ?

సాయి ధరమ్ తేజ్ హీరోగా నటిస్తున్న చిత్రం సుప్రీమ్. అనిల్ రావిపూడి దర్శకత్వంలో తెరకెక్కుతున్న ఈ చిత్రంలో సాయి ధరమ్ తేజ్ సరసన రాశి ఖన్నా జంటగా నటిస్తోంది. ప్రస్తుతం ఈ చిత్రం షూటింగ్ పూర్తి చేసుకొని పోస్ట్ ప్రొడక్షన్ వర్క్స్ జరుపుకుంటోంది. ఈ చిత్రాన్ని ఏప్రిల్ 1 నే ప్రేక్షకుల ముందుకు తీసుకురావాలని చిత్ర బృందం భావించినప్పటికీ.. పలు కారణాల రిత్యా అది జరగలేదు. అయితే తాజా సమాచారం ప్రకారం ఈ చిత్రాన్ని మే 6 న విడుదల చేయాలని చిత్ర నిర్మాత దిల్ రాజు యోచిస్తున్నారట. మరోవైపు సాయి కార్తిక్ స్వర పరిచిన గీతాలను ఏప్రిల్ 14 న విడుదల చేయనున్నట్లు సమాచారం. ఈ చిత్రంలో సాయి ఓ క్యాబ్ డ్రైవరు పాత్రలో నటిస్తుండగా.. రాశి ఖన్నా ఓ పోలీస్ అధికారి పాత్రలో కనిపించనుంది. ఈ చిత్రం విడుదల అయిన తరువాత సునీల్ రెడ్డి దర్శకత్వంలో తిక్క, గోపీ చంద్ మలినేని దర్శకత్వంలో విన్నర్ చిత్రాల్లో సాయి ధరమ్ తేజ్ నటించనున్నాడు.