సుప్రీమ్’ రిసల్ట్ ఏమయ్యింది???

ఎన్టీఆర్ ఆర్ట్స్ నిర్మాణంలో పటాస్ సినిమాతో టాలీవుడ్ లో అరంగేట్రం చేసి….వరుస పరాజయాలలో మునిగి తేలుతున్న నందమూరి కల్యాణ్ రామ్ కి కమర్షియల్ హిట్ ఇచ్చిన యువ దర్శకుడు అనిల్ రావిపూడి, రెండో సినిమాతో మెగా శిబిరంలోకి అడుగు పెట్టాడు. అయితే బడా హీరో కాకపోయినా మెగా ఫ్యాన్స్ అండతో దూసుకుపోతున్న యువ కధానాయకుడు సాయిధర్మతేజతో అనిల్ చేసిన సినిమా ‘సుప్రీమ్’. ప్రస్తుతం థియోటర్స్ వద్ద హల్ చల్ చేస్తున్న ఈ సినిమా మ్యాటర్ ఏంటి అంటే….టాలీవుడ్ లో వినిపిస్తున్న వాదన ప్రకారం…ప్రేక్షకుల నుంచి వస్తున్న టాక్ ప్రకారం ఈ సినిమా మంచి ఎంటర్టైన్మెంట్ ని ఇచ్చిందని తెలుస్తుంది. కరియర్ తొలి నాళ్ళలోనే ప్రయోగాత్మక చిత్రాలు చేసే చేతులు కాల్చుకునే కన్నా, పక్కా కమర్షియల్ ఫార్మ్యాట్ సినిమాలతో ప్రేక్షకులకు దగ్గరవుతున్నాడు కుర్ర హీరో సాయిధర్మతేజ. వరుస హిట్స్ తో మార్కెట్ పెచుకుంటూ దూసుకుపోతున్నాడు.

అదే క్రమంలో ఈ మధ్య కాలంలో వచ్చిన మెగా మూవీలు బ్రూస్ లీ, సర్ధార్ గబ్బర్ సింగ్, సరైనోడు, అన్నీ వరుసగా థియోటర్స్ వద్ద బోల్తాపడటంతో…సుప్రీమ్ మూవీ మాత్రం అటు మెగా అభిమానులకే కాకుండా ప్రేక్షకులకి కూడా ఊరట కలిగించింది అన్న టాక్ వినిపిస్తుంది. అంతేకాకుండా సుప్రీమ్ మూవీపై భారీ ఆశలు పెట్టుకున్న సాయి ధరమ్ తేజ్ కి, ఈ మూవీ మంచి సక్సెస్ ని ఇచ్చిందని అంటున్నారు.  ఇక ఈ హిట్ తో ఈ యువ హీరో మార్కెట్ మరింత పెరిగే అవకాశం ఉంది అని తెలుస్తుంది. మరి ఈ చిన్న సినిమా మరింత పెద్ద  సక్సెస్ అవ్వాలి అని ఆశిద్దాం.