కూతురిపై కామెంట్లు.. బూతులతో వార్నింగ్..!

March 24, 2020 / 05:33 PM IST

Join Us

తారల పర్సనల్ లైఫ్‌లోకి అభిమానుల జోక్యం ఎక్కువైపోతుండటంతో వాళ్లు కూడా అంతే స్థాయిలో రియాక్ట్ అవుతున్నారు. మొన్నమధ్య ఓ అభిమానికి హీరోయిన్ రకుల్ ప్రీత్ సింగ్ తనదైన శైలిలో ఘాటుగా వార్నింగ్ ఇచ్చిన సంగతి తెలిసిందే. ఇక లేటేస్ట్‌గా క్యారెక్టర్ ఆర్టిస్ట్ సురేఖా వాణి చేరింది. వదిన, అక్క, తల్లి పాత్రలతో అలరించిన సురేఖ గత కొంతకాలంగా సినిమాలకు గ్యాప్ ఇచ్చారు. కారణం ఏమిటో తెలియదు కానీ ఎవరి సినిమాల్లోనూ కనిపించడం లేదు. అయితే సోషల్ మీడియాలో మాత్రం ఈ ఆంటీ యాక్టీవ్‌గానే ఉంటుంది. అప్పట్లో బాత్ డబ్‌లో స్నానం చేస్తూ కుర్రకారు గుండెల్లో సెగలు రేపింది.

కూతురితో కలిసి ఫోటోలను, డ్యాన్స్ చేసిన వీడియోలను కూడా సోషల్ మీడియాలో షేర్ చేసేది. దీంతో కూతురిని ఎలా పెంచకూడదో అంటూ ఓ వ్యక్తి ట్రోల్ చేశాడు. దీనికి రియాక్ట్ అయిన సురేఖ తన ట్విట్టర్ అకౌంట్ నుంచి రిప్లై ఇచ్చినట్లుగా వార్తలు వచ్చాయి. లేటేస్ట్‌గా కెమెరా ముందుకు వచ్చిన సురేఖ వాణి సదరు ట్విట్టర్ అకౌంట్ తనది కాదనీ, తాను ఎవరికీ ఎలాంటి రిప్లై ఇవ్వలేదని క్లారిటీ ఇచ్చింది. అలాగే తన కుమార్తె గురించి కామెంట్ చేసిన ఆ వ్యక్తికి కూడా ఘాటుగా వార్నింగ్ ఇచ్చింది.

ఈ విషయంగా ఎప్పుడో రిప్లై ఇద్దామని అనుకున్నాను కానీ కుదరలేదని చెప్పుకొచ్చింది. అయితే ఆ కామెంట్ పోస్ట్ చేసింది ఎవరో తెలుసుకోవడం తనకు పెద్ద విషయం కాదని, ఎందుకని వదిలివేసినట్లు సురేఖ చెప్పింది. అదే సమయంలో ‘‘చెత్త నా కొడకా, నా కొడకా అంటూ తనలోని పాత సురేఖను బయటకు తీసుకురావొద్దంటూ పక్కా నాటుగా వార్నింగ్ ఇచ్చారు. గతంలో సురేఖా వాణి భర్త చనిపోయినప్పుడు కూడా సురేఖా, ఆమె కుమార్తె సుప్రీతాపై నెటిజన్లు అసభ్యంగా కామెంట్లు పెట్టారు. దీనిపై తీవ్రంగా రియాక్ట్ అయిన సుప్రీతా నెగెటివ్ కామెంట్స్ చేస్తున్న వారికి తమ గురించి ఏం తెలుసంటూ గట్టి క్లాస్ పీకిన సంగతి తెలిసిందే.