కొన్ని సినిమాలు మన దగ్గర చూసినప్పుడు పాన్‌ ఇండియా మూవీ అయి ఉంటే బాగుండు అనిపిస్తుంటుంది. అలాంటి సినిమాల్లో గతేడాది ఆఖరున వచ్చిన ‘ఆకాశం నీ హద్దురా’ కూడా అలాంటిదే. ఆ సినిమా కథలో, అందులోని ఫీల్‌, హీరో సూర్య అభినయం… ఇలా అన్నీ దేశవ్యాప్తంగా జనాలకు చేరాల్సిన సినిమా అది. అయితే అప్పుడు తెలుగు, తమిళంలో మాత్రమే తీసుకొచ్చారు. అయితే ఇప్పుడు బాలీవుడ్‌కి వెళ్తోందట. ‘ఆకాశం నీ హద్దురా’ (తమిళంలో సూరరై పొట్రు)కు దర్శకత్వం వహించిన సుధ కొంగరనే బాలీవుడ్‌లో కూడా దర్శకత్వం వహిస్తారట.
అంతేకాదు ఆ సినిమాను అక్కడ కూడా సూర్యనే నిర్మిస్తారని తెలుస్తోంది. ఈ సినిమా భారీ బడ్జెట్‌ కాకపోయినప్పటికీ… భారీ ఎమోషన్లు అయితే ఉంటాయి. సూర్యలో నటుడు ఎలాంటి వాడో అందరికీ తెలుసు, ఈ సినిమాలో కొన్ని సీన్లలో ఆ నటుడు మరింత ఎలివేట్‌ అయ్యాడు. మాతృకలో సూర్య నటన చూశాక.. ఆ నటుణ్ని బాలీవుడ్‌లో కూడా చూపిస్తే బాగుంటుంది అని అనుకుంటారు అంతా. అయితే సూర్య ఈ సినిమాకు నిర్మాతగా మాత్రమే వ్యవహరిస్తారట.
హీరోగా బాలీవుడ్‌ నటుడినే తీసుకునే ఆలోచన ఉన్నారట. అయితే ఎవరు నటిస్తారు అనే విషయంలో క్లారిటీ లేదు. ఇప్పటివరకు వస్తున్న సమాచారం ప్రకారం అయితే రణ్‌వీర్‌ సింగ్‌ లేదా షాహిద్‌ కపూర్‌ నటించొచ్చు అని తెలుస్తోంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home