Taapsee: బాలీవుడ్ బాద్ షాతో తాప్సీ రొమాన్స్!

తెలుగులో తాప్సీకి ఆశించిన స్థాయిలో గుర్తింపు రానప్పటికీ బాలీవుడ్ లో మాత్రం మంచి క్రేజ్ తెచ్చుకుంది. నటనకు ప్రాధాన్యమున్న కథలను ఎన్నుకుంటూ కెరీర్ పరంగా దూసుకుపోతుంది. లేడీ ఓరియెంటెడ్ సినిమాలంటే తాప్సీని బెస్ట్ ఆప్షన్ గా చూస్తున్నారు. ‘పింక్’, ‘బద్లా’ లాంటి సినిమాలు తాప్సీకి మంచి పేరు తీసుకొచ్చాయి. గతేడాది ‘తప్పడ్’ సినిమాతో ప్రేక్షకుల ముందుకు వచ్చింది ఈ బ్యూటీ. ప్రస్తుతం ఈమె చేతిలో అరడజనుకి పైగా సినిమాలున్నాయి. అందులో ‘హసీనా దిల్ రూబా’ సినిమా విడుదలకు సిద్ధమవుతోంది.

ఇదిలా ఉండగా.. ఇప్పుడు తాప్సీ లిస్ట్ లో మరో సినిమా వచ్చి చేరింది. బాలీవుడ్ ఎప్పటినుండో ఎదురుచూస్తున్న కాంబో.. షారుఖ్ ఖాన్ – రాజ్ కుమార్ హిరానీ. వీరిద్దరి కాంబినేషన్ లో సినిమా రాబోతున్నట్లు సమాచారం. ఇటీవల రాజ్ కుమార్ తన కథతో షారుఖ్ ని మెప్పించారని బాలీవుడ్ మీడియాలో కథనాలు వస్తున్నాయి. ఈ ఏడాది సెప్టెంబర్ నుండి సినిమా సెట్స్ పైకి వెళ్లనుంది. ఇందులో హీరోయిన్ గా తాప్సీను తీసుకోవాలని చూస్తున్నారట.

త్వరలోనే దీనికి సంబంధించిన వివరాలు బయటకు రానున్నాయి. ప్రస్తుతం షారుఖ్ ‘పఠాన్’ సినిమాలో నటిస్తున్నాడు. అలానే అట్లీతో ఓ సినిమా కమిట్ అయ్యాడని అంటున్నారు.

Most Recommended Video

తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!