అఖిల్ సినిమాలో టబు

స్టార్ హీరోలతో జతకట్టిన హీరోయిన్లు తర్వాతి కాలంలో వారి వారసులతోనూ ఆడిపాడటం కొత్త విషయం ఏమీ కాదు. అప్పట్లో శ్రీదేవి ఈ ట్రెండ్ కి శ్రీకారం చుట్టంగా ప్రస్తుతం కాజల్ వంటి వారు దాన్ని కొనసాగిస్తున్నారు. అయితే ఇప్పుడు అలనాటి అందాల నాయిక టబు ఆ బాటలో పయనిస్తోంది. అఖిల్ హీరోగా తెరకెక్కనున్న రెండో సినిమాలో టబు కీలక పాత్రలో నటించనుందట. ”ఆటకుందాం రా..” అంటూ ‘సిసింద్రీ’ సినిమా కోసం తొలిసారి నాగార్జునతో ఆడిపాడిన హైదరాబాదీ అందగత్తె టబు అటుపై ‘నిన్నే పెళ్లాడతా’ సినిమాలో “గ్రీకువీరుడు” అని నాగార్జునకు నామకరణం చేసింది. తర్వాత చివరిగా ‘ఆవిడా మా ఆవిడే’ సినిమాలో కలిసి నటించిన వీరిద్దరికీ ఒకరంటే ఒకరికి ప్రత్యేక అభిమానం.

ఇక హీరోయిన్ల విషయంలో నాగ్ గురించి తెలిసిందే కదా.. ఇప్పుడు అనుష్కని ఎలా నాగ్ ఆస్థాన నాయకి అంటున్నారో అప్పట్లో టబుని అలా అనేవారు. నాగచైతన్య కూడా ముంబై ఫ్లైట్ ఎక్కితే మకాం వేసేది టబు ఇంట్లోనే. అలా అక్కినేని కుటుంబంతో సాన్నిహిత్యం పెంచుకున్న టబు ఇప్పుడు అఖిల్ సినిమాలో దర్శనమివ్వనుందట. ఈ మేరకు దర్శకుడు విక్రమ్ కుమార్ టబుకి కథ వివరించారట. అయితే పాత్ర ఏమిటన్నది తెలియడం లేదు. దీనికోసం సినిమా ఓపెనింగ్ వరకైనా ఆగలేమో..!

Also, do SUBSCRIBE to our YouTube channel to get latest Tollywood updates.