నేను లావయ్యానని కామెంట్స్ చేశారు… ఎమోషనల్ అయిన తమన్నా..!

November 9, 2020 / 05:26 PM ISTByFilmy Focus

Join Us

నేను లావయ్యానని కామెంట్స్ చేశారు… ఎమోషనల్ అయిన తమన్నా..!

టాలీవుడ్ స్టార్ హీరోయిన్ తమన్నా కూడా ఇటీవల కరోనా బారిన పడిన సంగతి తెలిసిందే. ఓ వెబ్ సిరీస్ షూటింగ్లో పాల్గొన్న టైములో తమన్నాకు కరోనా సోకినట్టు వార్తలు వచ్చాయి. తమన్నాకు మొదట జ్వరం రావడంతో కోవిడ్ టెస్ట్ చేయించుకుందట. రిజల్ట్ లో పాజిటివ్ అని తేలడంతో వెంటనే ఆసుపత్రిలో చేరి చికిత్స పొందింది తమన్నా. నిజానికి తమన్నా త్వరగానే కోలుకున్నప్పటికీ కాస్త ఒళ్ళు చేసింది. అయితే ఈ నేపథ్యంలో కొందరు నెటిజన్లు తమన్నాను ట్రోల్ చెయ్యడం మొదలుపెట్టారు.

ఈ కామెంట్లకు తమన్నా బాగా హర్ట్ అయ్యింది. ఓ ఇంటర్వూ లో పాల్గొన్న తరుణంలో తమన్నా ఈ విషయాన్ని చెప్పుకొచ్చింది. ఆమె మాట్లాడుతూ..’నాకు కరోనా సోకిన తరువాత ట్రీట్మెంట్ కోసం హాస్పిటల్ లో జాయిన్ అయ్యాను. అయితే నేను అక్కడే చనిపోతానేమోనని చాలా భయమేసింది. ఆ టైములో డాక్టర్లు అలాగే నా కుటుంబసభ్యులు చాలా హెల్ప్ చేశారు. అయితే ట్రీట్మెంట్లో భాగంగా డాక్టర్లు ఇచ్చిన మందుల వల్ల నేను కాస్త బరువు పెరిగాను.

నేను సోషల్ మీడియాలో పెట్టిన ఫోటోకి ఓ నెటిజన్ ‘ఇలా మారిపోయావు ఏంటి’ అంటూ కామెంట్ చేసాడు. ఇంకా చాలా మంది రక రకాల కామెంట్స్ చేశారు. నేను ఉన్న పరిస్థితి ఎలాంటిది? అనే విషయం కూడా ఆలోచించకుండా అలా కామెంట్స్ చెయ్యడం ఏంటో నాకు అర్ధం కాలేదు’ అంటూ ఆవేదన వ్యక్తం చేసింది తమన్నా..!