Tamanna Remuneration: ఒక్క షో కోసం 3 సినిమాలకు తగ్గ రేంజ్ పారితోషికం..!

September 9, 2021 / 05:17 PM ISTByFilmy Focus

Join Us

Tamanna Remuneration: ఒక్క షో కోసం 3 సినిమాలకు తగ్గ రేంజ్ పారితోషికం..!

కరోనా కారణంగా ఏర్పడిన పరిస్థితుల కారణంగా స్టార్లు సరికొత్త పంధాలో నడవక తప్పడం లేదు. ఎన్టీఆర్ వంటి స్టార్ హీరోలు కూడా ‘ఎవరు మీలో కోటీశ్వరులు’ వంటి షోని హోస్ట్ చేస్తున్నారు.సమంత,కాజల్ వంటి భామలు ప్రత్యేకంగా ఓటిటిల కోసం సినిమాలు,వెబ్ సిరీస్ లు వంటివి చేస్తున్నారు.ఇందుకు మిల్కీ బ్యూటీ తమన్నా కూడా మినహాయింపు కాదు. ఈమె కూడా డిజిటల్ రంగంలోకి ఎంట్రీ ఇచ్చి సత్తా చాటుతుంది. అంతేకాదు బుల్లితెర పై ‘మాస్టర్ చెఫ్’ అనే షోకి హోస్ట్ గా కూడా వ్యవహరిస్తోంది తమన్నా.

ఈ షోకి డీసెంట్ టి.ఆర్.పి రేటింగ్ నమోదవుతుండటం విశేషం. రెండో వారం కూడా ‘మాస్టర్ చెఫ్’ 4.15 టి.ఆర్.పి రేటింగ్ ను నమోదు చేసింది. రెండో వారం కూడా టి.ఆర్.పి విషయంలో పర్వాలేదు అనిపించింది ‘మాస్టర్ చెఫ్’ షో. అయితే ఈ షో కోసం తమన్నా ఎంత పారితోషికం అందుకుంటుంది అనే ప్రశ్న అందరిలోనూ ఉంది. అందుతున్న సమాచారం ప్రకారం.. ఈ షో కోసం తమన్నా ఏకంగా రూ.3 కోట్లు పారితోషికం అందుకుంటుందట.

సినిమాలు, వెబ్ సిరీస్ ల కోసం తమన్నా రూ.1 కోటి వరకు పారితోషికం అందుకుంటూ ఉంటుంది. అంటే మూడు సినిమాలకు తగ్గ పారితోషికాన్ని ఈ షో ద్వారా తమన్నా సంపాదిస్తుందన్న మాట. టాలీవుడ్లో తమన్నాకి ఉన్న క్రేజ్ ను బట్టి.. అంత మొత్తం చెల్లించడానికి ఈ షో నిర్వాహకులు ముందుకొచ్చారని తెలుస్తుంది.