ఆడియో రిలీజ్ వేడుకకు వెళ్లలేక పోయిన తమన్నా..!!

మిల్క్ బ్యూటీ తమన్నా చేతినిండా సినిమాలతో బిజీగా ఉంది. ఆమె టైటిల్ రోల్ పోషించిన అభినేత్రి మూవీ విడుదలకు సిద్ధంగా ఉంది. ఈ చిత్రం మూడు భాషల్లో రిలీజ్ కానుంది. ఇదే సమయంలో తమిళంలో ‘ధర్మదురై’ అనే సినిమాను పూర్తి చేసింది. విజయ్ సేతుపతి కథానాయకుడిగా నటించిన ఈ చిత్రం ఆడియో వేడుకను బుధవారం (నేడు) నిర్వహించారు.

ఈ వేడుకకు తమన్నా హాజరు కావాలి. కానీ ఆమె బాహుబలి కంక్లూజన్ క్లైమాక్స్ షూటింగ్ లో పాల్గొంటోంది. రామోజీ ఫిలిం సిటీ లో వేసిన సెట్స్ లో పోరాట సన్నివేశాల చిత్రీకరణలో బిజీగా ఉంది. దీంతో ఆడియో రిలీజ్ కార్యక్రమానికి  వెళ్లలేకపోయింది. వృత్తి ధర్మాన్ని గౌరవించి తమన్నా’ధర్మదురై’ టీమ్ కి  సోషల్ మీడియా వేదికపై తాను రాలేక పోతున్నట్లు వెల్లడించింది. చిత్ర బృందానికి శుభాకాంక్షలు తెలిపింది. బాహుబలి బిగినింగ్ లో తమన్నా అందం, అభినయం తో ఆకట్టుకుంది.

పోరాట సన్నివేశాల్లోను అద్భుతంగా నటించి ప్రశంసలు అందుకుంది. బాహుబలి కంక్లూజన్ కోసం ఆమె గుర్రపు స్వారీ కూడా నేర్చుకుంది. మొదటి పార్ట్ కంటే రెండవ పార్ట్ లో తమన్నాకు మంచి సన్నివేశాలున్నాయని సమాచారం. బాహుబలి కంక్లూజన్ కూడా తనకు మంచి పేరుని తీసుకొస్తుందని  తమన్నా భావిస్తోంది.

Cudnt attend the audio launch today , been shooting the climax of @BaahubaliMovie , lots of love to my entire team of #Dharmadurai

— Tamannaah Bhatia (@tamannaahspeaks) August 3, 2016

https://www.youtube.com/watch?v=_pO7hQFWIls