Tamannaah: ‘మాస్టర్ చెఫ్’ ప్రోమో షూటింగ్ లో మిల్కీ బ్యూటీ!

మిల్కీ బ్యూటీ తమన్నా ఇప్పుడు కెరీర్ పరంగా చాలా బిజీగా గడుపుతోంది. ఓవైపు వెండితెర, మరోవైపు ఓటీటీ అవకాశాలతో దూసుకుపోతుంది. తాజాగా ఆమె బుల్లితెరపై కూడా ఎంట్రీ ఇవ్వడానికి సిద్ధంగా ఉంది. ఈ మేరకు ఆమె షేర్ చేసిన ఫోటో సోషల్ మీడియాలో వైరల్ అవుతోంది. అది కూడా ఆమె కోలీవుడ్ స్టార్ విజయ్ సేతుపతితో కలిసి కనిపించడం ఇప్పుడు హాట్ టాపిక్ గా మారింది. విజయ్ సేతుపతి వరుస సినిమాలతో చాలా బిజీగా గడుపుతుంటారు.

ఆయన బయట ఎక్కడా పెద్దగా కనిపించరు. అలాంటి విజయ్ సేతుపతి ఓ టీవీ షోలో కనిపించబోతున్నారు. అది కూడా వంటల ప్రోగ్రాం కావడం విశేషం. ‘మాస్టర్ చెఫ్’ అనే షో నార్త్ లో చాలా పాపులర్. ఇప్పుడు దాన్ని సౌత్ భాషల్లోకి తీసుకొస్తున్నారు. తమిళ షోకి విజయ్ సేతుపతి హోస్ట్ గా వ్యవహరిస్తుండగా.. తెలుగు షోకి తమన్నాను హోస్ట్ గా తీసుకున్నారు. తాజాగా ఈ షోకి సంబంధించిన ప్రోమో షూటింగ్ ను బెంగుళూరులో నిర్వహించారు.

ఈ షూటింగ్ కి తమన్నా, విజయ్ సేతుపతిలు హాజరయ్యారు. ఈ సందర్భంగా తీసుకున్న ఫోటోను తమన్నా షేర్ చేయగా.. ఇప్పుడు అది ఇంటర్నెట్ లో చక్కర్లు కొడుతోంది. ప్రస్తుతం తమన్నా నటించిన ‘సీటీమార్’ సినిమా విడుదలకు సిద్ధమవుతోంది. అలానే మరికొన్ని సినిమాలు, వెబ్ సిరీస్ లతో బిజీగా గడుపుతోంది.

Most Recommended Video

తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!