ఇండియన్ సినిమాలో గత కొన్ని రోజులుగా నడుస్తున్న అతి పెద్ద చర్చ ‘స్పిరిట్’ (Spirit) . ఇంకా చెప్పాలంటే ‘సందీప్ రెడ్డి వంగా (Sandeep Reddy Vanga) vs దీపిక పడుకొణె’ (Deepika Padukone) అని చెప్పాలి. ఆయన కానీ, ఆమె కానీ వాళ్ల ఎక్స్ పోస్టుల్లో, కామెంట్లలో ఒకరి పేరు ఒకరు చెప్పకపోయినా వెర్బల్ వార్ వాళ్లిద్దరి మధ్యే అనే మాట చెప్పొచ్చు. అయితే ఈ విషయం మధ్యలో ప్రముఖ కథానాయిక తమన్నా (Tamannaah Bhatia) వచ్చింది. అయితే ఇక్కడ ఆమె వచ్చింది అనే కంటే ఎవరో తెచ్చారు అనేదే విషయం. ఇంకా చెప్పాలంటే ఆ తెచ్చింది మనిషే అయ్యుండక్కర్లేదు అని చెప్పాలి.
ఇంతకీ విషయం ఏంటంటే.. దీపికా పడుకొణెకు సంబంధించిన ఓ పోస్ట్కు ఇన్స్టాగ్రామ్లో తమన్నా లైక్ చేసింది అనేది విషయం సారాంశం. మామూలుగా అయితే ఇది విషయం కాదు, ఇప్పుడున్న పరిస్థితుల నేపథ్యంలో ఇది కచ్చితంగా విషయమే. దీంతో దీనికి సంబంధించిన స్క్రీన్ షాట్ హాట్ టాపిక్గా మారింది. దీపికకు తమన్నా సపోర్ట్ చేస్తోంది అంటూ కథనాలు వెలువడ్డాయి. అయితే ఈ విషయం అటు తిరిగి, ఇటు తిరిగి తమన్నా దగ్గరకు చేరింది. దీంతో ఆమె స్పందిస్తూ న ఇన్స్టా స్టోరీలో వివరణ ఇచ్చింది.
తనకు తానుగా ఇన్స్టాగ్రామ్ పోస్ట్లను ఎలా లైక్ చేస్తుందో ఎవరైనా చెబితే బాగుంటుంది. ఈ విషయం తెలియని కొందరు ఆ లైక్ను పెద్ద వార్తలాగా ప్రచారం చేశారు. నేను పూర్తి చేయాల్సిన పనులు చాలా ఉన్నాయి. ఆ పనిలో ఉంటలాను అంటూ రాసుకొచ్చింది. దీంతో ఆ పోస్ట్ను తమన్నా కావాలని లైక్ చేయలేదని స్పష్టమవుతోంది. మరి ఎవరు లైక్ చేశారు అనేదే ఇక్కడ ప్రశ్న. ప్రతి సెలబ్రిటీకి సోషల్ మీడియా టీమ్ ఉంటారు. వాళ్లు చేసి ఉండాలి. లేదంటే టెక్నికల్ ఎర్రర్ అయి ఉండాలి.
అంతకుముందు ఏం జరిగిందంటే.. దీపికకు చెందిన ఓ పాత వీడియోను ఓ అభిమాని షేర్ చేశాడు. అందులో ఆమె ఓవర్ టైమ్ పని చేయడం, లింగ అసమానతలు తదితర విషయాల గురించి మాట్లాడింది. ఆ పోస్ట్కు తమన్నా లైక్ కొట్టినట్లు ఆ అభిమాని స్క్రీన్ షాట్ ద్వారా చెప్పాడు. దీంతో దీపికకు తమన్నా సపోర్ట్ చేస్తోందని అన్నారు. కానీ తమన్నా ఏమో ఇలా చెబుతోంది. ఏది నిజమో మరి.
