అవంతికకు సమయం ఆసన్నమైంది

పాటల్లో కలల సుందరిగా.. పోరాటాల్లో వీర నారీగా అవంతిక పాత్రకు తమన్నా పూర్తి న్యాయం చేశారు. బాహుబలి ది బిగినింగ్ లో ఆమె నటన అద్వితీయం. ప్రభాస్ తో పాటుగా తమన్నాకు కూడా ఈ చిత్రం ఫ్యాన్ ఫాలోయింగ్ ను పెంచింది. అవకాశాలను సైతం తెచ్చి పెట్టింది.

ప్రస్తుతం రాజమౌళి బృందం బాహుబలి ది కంక్లూజన్ కోసం పోరాట సన్నివేశాల షూటింగ్ లో బిజీగా ఉంది. ఈ సీన్లు పూర్తికాగానే అవంతిక ఉండే సన్నివేశాలను చిత్రీకరించేలా ప్లాన్ చేసింది. జూలై నుంచి షూటింగ్ ఉంటుందనే సమాచారాన్ని తమన్నాకు తెలిపింది. తనకు ఎంతో గుర్తింపును తీసుకొచ్చిన బాహుబలి సినిమా కొనసాగింపులో తిరిగి నటించేందుకు తమన్నాఎదురు చూస్తోంది. కబురు అందగానే సంబర పడిపోయింది. ఇప్పుడు తమన్నాఅభినేత్రి సినిమా కోసం బరువు పెరిగింది. ఇందులో తొలిసారి భయపెట్టనుంది. ఈ చిత్రం షూటింగ్ పూర్తి కావచ్చింది. దీని తర్వాత బాహుబలి ది కంక్లూజన్ కోసం తనను తాను శిల్పంలా మార్చుకోనుంది.