‘నాటు నాటు’ పాటకు ఆస్కార్ అవార్డ్ రావడం పట్ల తమ్మారెడ్డి ఏమన్నారంటే..!

‘ఆర్ఆర్ఆర్’ సినిమాలోని ‘నాటు నాటు’ పాట ఆస్కార్ అవార్డ్ గెలుచుకున్న సందర్భంగా ప్రపంచవ్యాప్తంగా ఉన్న సినీ, రాజకీయ ప్రముఖులు, అభిమానులు, సినీ ప్రియులు చేస్తున్న పోస్టులతో, తెలియజేస్తున్న శుభాకాంక్షలతో సోషల్ మీడియా షేక్ అయిపోతుంది.. కనీ వినీ ఎరుగని రీతిలో చరిత్ర సృష్టించి.. కలలో కూడా ఊహించని, చరిత్రలో సువర్ణాక్షరాలతో లిఖించదగ్గ రికార్డ్ నెలకొల్పారు దర్శకధీరుడు రాజమౌళి.. ఇది కేవలం ‘ఆర్ఆర్ఆర్’ టీంకి మాత్రమే కాదు ఇండియన్ సినిమాకి.. ప్రపంచ వ్యాప్తంగా ఉన్న భారతీయులందరికీ గర్వకారణమే..

ఇక ట్రిపులార్ టీం అయితే ఇంకా షాక్‌తో కూడిన సర్‌ప్రైజ్‌లోనే ఉన్నారు.. వారి ఆనందానికి అవధుల్లేకుండా పోయాయి.. ఇది వారి ఒక్కరిదే కాదు మొత్తం తెలుగు జాతి, భారతీయుల విజయం.. కొద్ది రోజులుగా ‘ఆర్ఆర్ఆర్’ టీం.. దర్శకుడు రాజమౌళి, సంగీత దర్శకుడు కీరవాణి, యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ ఫ్యామిలీస్‌తో సహా ఆస్కార్ సాధించడమే లక్ష్యంగా లాస్ ఏంజెల్స్‌లో ప్రమోషన్స్, ఇతర కార్యక్రమాల్లో పాల్గొంటున్నారు..

మధ్యలో చరణ్ – తారక్ హైదరాబాద్ వచ్చి వెళ్లారు కానీ జక్కన్న, కార్తికేయ అక్కడే ఉండిపోయి అన్ని పనులూ చక్కబెట్టారు.. ఎట్టకేలకు నిరీక్షణ ఫలించింది.. తెలుగు సినిమాకి కలగానే మిగిలిపోయిన అకాడమీ అవార్డు ‘నాటు నాటు’ పాటతో సాకారమైంది..ఇక హీరోలు రామ్ – భీమ్ కూడా అక్కడి మీడియాతో, అభిమానులతో, సినీ ప్రముఖులతో ఇంటరాక్ట్ అయ్యారు.. పలు టీవీ షోలలోనూ పాల్గొన్నారు.. వారిచేత ఎంత వరకు చేయించాలో అంత ప్రమెషనూ చేయించారు..

అయితే ఇటీవల ‘ఆర్ఆర్ఆర్’ టీం, ఆస్కార్స్ గురించి కాంట్రవర్షియల్ కామెంట్స్ చేసి.. టాక్ ఆఫ్ ది ఇండస్ట్రీ అయ్యారు సీనియర్ దర్శక నిర్మాత తమ్మారెడ్డి భరద్వాజ.. కె. రాఘవేంద్ర రావు కాస్త సున్నితంగా స్పందించగా.. నాగ బాబు తన స్టైల్లో ఫైర్ అయ్యారు.. ఇక తాజాగా ఆస్కార్ రావడం పట్ల తమ్మారెడ్డి స్పందించారు.. నాటు నాటు పాటకి ఆస్కార్ అవార్డ్ రావడం తనతో పాటు భారతదేశమంతటికీ ఆనందంగా ఉందని.. ‘ఆర్ఆర్ఆర్’ టీంకి విషెస్ తెలియజేశారు. ఈ వీడియో నెట్టింట వైరల్ అవుతోంది..

రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!

2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్