పవన్ కళ్యాణ్ ను ఏమన్నా అంటే అభిమానులకు బోలెడంత కోపం వచ్చేస్తుంటుంది. అప్పుడు వాళ్ళేం చేస్తారో వాళ్ళకే అర్ధం కాదు. ఇదే పవన్ కళ్యాణ్ కు మైనస్ అనుకుంటే పొరపాటే..! పవన్ కళ్యాణ్ ను ఏమైనా అనాల్సిన అవసరం ఒక్క వైసీపీ బ్యాచ్ కు కాకుండా.. మిగిలిన వాళ్లకు ఎందుకొస్తుంది… అంటే అది పవన్ కళ్యాణ్ మాట్లాడే సంబంధం లేని మాటల వల్లే..! పవన్ కళ్యాణ్ ఏం చదువుకున్నాడో టక్కున చెప్పండి. దీనికి సమాధానం పవన్ కళ్యాణ్ అభిమానుల వద్ద కూడా ఉండదు. పవన్ కళ్యాణ్ పలు సందర్భాల్లో ఈ ప్రశ్నకు పలు జవాబులు చెప్పాడు.
అందుకే కరెక్ట్ సమాధానం ఇది అని వాళ్ళు చెబితే.. దానికి కాంట్రడిక్షన్స్ అనేవి బోలెడు చూపించొచ్చు. తాజాగా పవన్ పై తమ్మారెడ్డి భరద్వాజ షాకింగ్ కామెంట్స్ చేశారు. ఎందుకంటే ఇటీవల పవన్ కళ్యాణ్ ఇచ్చిన ప్రసంగంలో తన తండ్రి కమ్యునిస్ట్ అని, హారతితో సిగరెట్ వెలిగించుకునేవారని, తన పిల్లల స్కూల్ ఫీజులు కట్టడానికి డబ్బుల్లేవని.. తన దగ్గరున్న డబ్బుతో పార్టీ బిల్డింగ్ కట్టేసానని చెప్పాడు. ఈ కామెంట్స్ తమ్మారెడ్డి భరద్వాజ కు ఒళ్ళు మండించినట్టున్నాయి. దీంతో ఆయన పవన్ కళ్యాణ్ కు చురకలు అంటించడం మొదలుపెట్టారు.
తమ్మారెడ్డి భరద్వాజ .. పవన్ కళ్యాణ్ కామెంట్స్ పై స్పందిస్తూ.. “మాట్లాడితే చాలు వాళ్ళ తోలు తీస్తా.. వీళ్ల తోలు తీస్తా.. వీళ్ల పంచెలు ఊడకొడతా వాళ్ల పంచెలు ఊడకొడతానని ఊగిపోయే పవన్ కళ్యాణ్, ముందు మాట్లాడటం నేర్చుకోవాలి. పవన్ కళ్యాణ్ ఒకసారి మాట్లాడింది రెండోసారి మాట్లాడరు. అలా మాట్లాడితే ముందు మాట్లాడిన దానికి రెండోసారి మాట్లాడిన దానికి సంబంధం ఉండదు. విసిగిపోయా.. విసిగెత్తిపోయా.. అంటున్నాడు. ఎందుకు విసిగెత్తిపోతున్నావ్. అసలు ఏం చెప్దాం అనుకుంటున్నావ్. చివరికి మీ నాన్న గారిని కూడా అల్లరి చేసేస్తున్నావ్.
ఆయన పెద్ద మనిషి.. అలాంటి ఆయన.. దేవుడి దీపంతో సిగరెట్ కాల్చేవారని చెప్తున్నాడు. ఇంకోసారి పిల్లల ఫీజు కోసం దాచిన డబ్బులు పెట్టి పార్టీ బిల్డింగ్ కట్టానని దేశాన్ని ఉద్దరించడానికి చేసినట్లు చెప్తున్నాడు.మీరు చెప్పేదే నిజం అయితే.. మీకు ఉన్న మార్కెట్ ఎంత? ఒక్క సినిమా చేస్తే 50-80 కోట్లు వస్తాయి. పిల్లల ఫీజులు మహా అయితే .. ఏడాదికి 2-3 కోట్లు ఉంటాయి. అంతకంటే ఎక్కువ ఉండవు కదా.రూ.50 కోట్ల రెమ్యూనరేషన్లో రూ.47 కోట్లు, రూ.80 కోట్ల రెమ్యూనరేషన్లో 3 కోట్లు తీసేస్తే.. మిగిలిన రూ.77 కోట్లతో బిల్డింగ్ కట్టుకోవచ్చు కదా. ఇంకేదైనా చేయొచ్చు కదా.
కానీ ఏదో త్యాగం చేసేశానంటావ్.చివరికి నీ పదవుల కోసం మీ నాన్న గారిని అల్లరి చేస్తావా? ఎలక్షన్స్ కోసం సొంత తల్లిదండ్రుల్ని అల్లరి చేస్తున్నావ్. మా నాన్న కమ్యునిష్టు.. అతను కనిపిస్తే కాల్చేయండి లాంటి ఆర్డర్స్ ఉన్నాయని అంటున్నావ్. నీకు తెలియదేమో.. అలాంటి వాళ్లు ఉంటే.. ఊరి నుంచి వెలి వేసేవారు. పిలిచి కానిస్టేబుల్ ఉద్యోగం ఇచ్చేవారు కాదు. మా నాన్న గారు కమ్యూనిస్టు.. ఆయన్ని అలాగే పంపించేశారు. అల్లు రామలింగయ్య గారు ఉద్యమంలో ఉన్నారు. మీ నాన్న గురించి అయితే నాకు తెలియదు.” అంటూ చురకలు అంటించారు. ప్రస్తుతం తమ్మారెడ్డి కామెంట్స్ వైరల్ అవుతున్నాయి.
2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!
షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?
