అప్పటికి బాలీవుడ్ లో ఒక అయిదారు సినిమాల్లో నటించినా రానంత పేరు ‘పింక్’ సినిమాలో నటించడం వల్ల రాబట్టుకొంది తాప్సీ. ఆ సినిమాతో నటిగా పేరు సంపాదించుకోవడం మాత్రమే కాదు స్టార్ హీరోయిన్ గానూ ఎదిగింది. ఆ సినిమాతో తాప్సీకి జరిగిన మరో మంచి బాలీవుడ్ మెగాస్టార్ తో స్క్రీన్ షేర్ చేసుకొనే అదృష్టం దక్కించుకోవడం. ఆ తర్వాత తాప్సీ నటించిన “జూడ్వా 2” కూడా బాలీవుడ్ లో పెద్ద హిట్ అవ్వడంతో తాప్సీ అక్కడ టాప్ స్టార్ అయిపోయింది.
“పింక్” తర్వాత తాప్సీ-అమితాబ్ కాంబినేషన్ లో ఇంకో సినిమా తెరకెక్కించనున్నారు. స్పానిష్ చిత్రం “ది ఇన్విజబుల్ గెస్ట్”కు రీమేక్ గా తెరకెక్కనున్న చిత్రంలో అమితాబ్-తాప్సీ జంటగా నటించనున్నారు. క్రైమ్ థ్రిల్లర్ కావడంతో ఇద్దరికీ సమానమైన స్క్రీన్ స్పేస్ ఉంటుందట. ఒకర్ని ఒకరు డామినేట్ చేసుకొనే స్థాయిలో ఇద్దరూ నటించనున్నారని త్వరలోనే ఈ సినిమా రెగ్యులర్ షూటింగ్ మొదలవుతుందని వినికిడి. చూస్తుంటే.. తాప్సీ బాలీవుడ్ లో కాస్త స్ట్రాంగ్ గానే సెటిల్ అవ్వనుందని తెలుస్తోంది.
Home