టాలీవుడ్ లో దర్శకుడిగా తనకంటూ ప్రత్యేకమైన గుర్తింపు తెచ్చుకున్న తేజ.. ఇప్పటివరకు చాలా మంది కొత్తవాళ్లను ఇండస్ట్రీకి పరిచయం చేశారు. ఇప్పుడు మరో హీరోని లాంచ్ చేయబోతున్నాడు. ఆ హీరో మరెవరో కాదు.. నార్నే నితిన్ చంద్ర. ప్రముఖ స్టార్ హీరో ఎన్టీఆర్ భార్య ప్రణతికి సొంత తమ్ముడు. అంటే ఎన్టీఆర్ కి బావ అన్నమాట. తేజ రూపొందించనున్న ‘చిత్రం 1.1’ సినిమాతో నితిన్ చంద్ర హీరోగా పరిచయం కాబోతున్నాడు.
రీసెంట్ గా నితిన్ చంద్ర యాక్టింగ్ కోర్స్ పూర్తి చేసినట్లు తెలుస్తోంది. దీంతో దర్శకుడు తేజ సినిమాను మొదలుపెట్టాలని అనుకుంటున్నాడు. దీనికోసం ఏప్రిల్ 18న ముహూర్తం ఫిక్స్ చేసినట్లు తెలుస్తోంది. ఈ ఈవెంట్ కి ఎన్టీఆర్ తో పాటు అతడి కుటుంబసభ్యులు కూడా హాజరయ్యే అవకాశాలు ఉన్నాయి. కాబట్టి ఈవెంట్ ని చాలా గ్రాండ్ గా నిర్వహించే ఛాన్స్ ఉంది. ఈ సినిమాలో నితిన్ చంద్రతో పాటు మరో నలభై మంది కొత్త వాళ్లను తేజ నటులుగా పరిచయం చేయనున్నారు.
హైదరాబాద్ రామోజీ ఫిలిం సిటీలో ఈ సినిమా షూటింగ్ ను మొదలుపెట్టి.. నిర్విరామంగా సినిమా చిత్రీకరించనున్నారు. అక్టోబర్ లో సినిమాను విడుదల చేయాలనేది తేజ ఆలోచన. హీరోయిన్ గా ఎవరిని ఫైనల్ చేశారనే విషయంలో క్లారిటీ లేదు. మ్యూజిక్ డైరెక్టర్ గా ఆర్ఫీ పట్నాయక్ మరోసారి తేజతో కలిసి పని చేయనున్నారు. 2000వ సంవత్సరంలో వచ్చిన ‘చిత్రం’ సినిమాకి సీక్వెల్ గా దీన్ని తెరకెక్కిస్తున్నారు.
Most Recommended Video
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
ఈ సక్సెస్ ఫుల్ డైరెక్టర్లు ఒకప్పుడు స్టార్ డైరెక్టర్స్ దగ్గర అసిస్టెంట్లుగా చేసిన వాళ్ళే..!
తన 11 ఏళ్ళ కేరీర్లో సమంత మిస్ చేసుకున్న సినిమాల లిస్ట్..!
