షూటింగ్స్ మొదలుకావడంతో కళకళలాడుతున్న టాలీవుడ్

టాలీవుడ్ లో సినిమాల షూటింగ్స్ ఊపందుకున్నాయి. అనేక చిన్న సినిమాలు షూటింగ్ షురూ చేశాయి. అలాగే సీరియల్స్, టీవీ షోస్ కూడా చిత్రీకరణ మొదలుపెట్టినట్లు వార్తలు వస్తున్నాయి. దాదాపు మూడు నెలలుగా చిత్ర పరిశ్రమ స్థంభించి పోయింది. మార్చ్ నెలలో ప్రకటించిన లాక్ ఇంకా కొనసాగుతుండగా కొన్ని సడలింపులు ఇవ్వడంతో పునఃర్వైభవం వచ్చినట్లైంది. కరోనా వైరస్ ప్రభావం తగ్గనప్పటికీ… షూటింగ్స్ స్టార్ట్ కావడం చిత్ర వర్గాలలో కొత్త ఉత్సాహం తీసుకువచ్చింది. త్వరలో పరిస్థితులు బాగవుతాయనే భరోసా కలిగింది.

మూడునెలలుగా పని లేని నటులు, సాంకేతిక నిపుణులుమరియు కార్మికులు నూతన ఉత్తేజంతో షూటింగ్స్ లో పాల్గొంటున్నారు. ప్రభుత్వము సూచించిన నిబంధనలు పాటిస్తూ, జాగ్రత్తగా నటీనటులు షూటింగ్స్ లో పాల్గొంటున్నారు. ఐతే పెద్ద సినిమాల షూటింగ్స్ ఇంకా మొదలుకావాల్సి ఉంది. రాజమౌళి తెరకెక్కిస్తున్న ఆర్ ఆర్ ఆర్, చిరంజీవి హీరోగా దర్శకుడు కొరటాల తెరకెక్కిస్తున్న ఆచార్య, ప్రభాస్-పూజా హెగ్డే జంటగా రాధా కృష్ణ దర్శకత్వంలో తెరకెక్కుతున్న చిత్రం మరియు పవన్ కళ్యాణ్ కమ్ బ్యాక్ మూవీ వకీల్ సాబ్ చిత్రాలు తమ షూటింగ్స్ తిరిగి ప్రారంభించాల్సి ఉంది.

అలాగే బాలయ్య బోయపాటి చిత్రం, వెంకటేష్ నటిస్తున్న నారప్ప చిత్రాల షూటింగ్స్ మొదలుపెట్టే యోచనలో దర్శక నిర్మాతలు ఉన్నారు. 60లు దాటివేసిన సీనియర్ హీరోలు నాగార్జున, చిరంజీవి, బాలకృష్ణ షూటింగ్స్ కి హాజరుకావడానికి భయపడుతున్నట్లు తెలుస్తుంది. వయసు రీత్యా వారు ఇంకొద్దిరోజులు ఎదురు చూడడం మంచిదనే ఆలోచనలో ఉన్నారట.

Most Recommended Video

కవల పిల్లలు పిల్లలు కన్న సెలెబ్రిటీలు వీరే..!
బాగా ఫేమస్ అయిన ఈ స్టార్స్ బంధువులు కూడా స్టార్సే
బాలయ్య సాధించిన అరుదైన రికార్డ్స్ ఇవే..!