ఏ టీజర్ ఎప్పుడొస్తుందో తెలుసా..?

January 8, 2021 / 04:16 PM ISTByFilmy Focus

Join Us

కే జీ ఎఫ్ టీజర్ వచ్చినప్పటి నుంచీ యూట్యూబ్ షేక్ అయిపోతోంది. 24 గంటలు గడవక ముందే దాదాపు 30 మిలియన్స్ చేరువలో ఈ టీజర్ ఉందంటే ఏ రేంజ్ లో రెస్పాన్స్ వచ్చిందో అర్ధం చేసుకోవచ్చు. ఇక ఈ టీజర్ తో పాటుగా చాలామంది ఫ్యాన్స్ ఎంతగానో కొన్ని సినిమాల టీజర్స్ కోసం, ట్రైలర్స్ కోసం వెయిట్ చేస్తున్నారు.

ఇందులో ముఖ్యంగా ప్రభాస్ యాక్ట్ చేస్తున్న రాధేశ్యామ్ టీజర్ కోసం ఫ్యాన్స్ అందరూ ఎదురుచూస్తున్నారు. ఈ టీజర్ జనవరి 14వ తేదిన రిలీజ్ చేసేందుకు చిత్రయూనిట్ ప్లాన్ చేస్తోంది. రాధేశ్యామ్ టీజర్ సంక్రాంతి స్పెషల్ గా దీన్ని రిలీజ్ చేయబోతున్నారు.

మరోవైపు పవన్ కళ్యాణ్ ఫ్యాన్స్ కూడా తమ పవర్ చూపించడానికి రెడీగా ఉన్నారు. జనవరి 14వ తేదిన సాయంత్రం 6.03 ని., లకి వకీల్ సాబ్ టీజర్ వస్తోందని చిత్రయూనిట్ అఫీషియల్ గా ప్రకటించింది. ఎప్పుడెప్పుడు పవర్ స్టార్ ని స్ర్కీన్ పైన చూస్తామా అని ఆశగా ఎదురూచూస్తున్నారు. పవన్ కళ్యాణ్ సినిమా రాక చాలాకాలం అయ్యింది. అందుకే, ఇప్పుడు ఈ రెండు టీజర్స్ ఒకేరోజు వస్తే యూట్యూబ్ షేక్ అవ్వడం పక్కాగానే కనిపిస్తోంది.

మరోవైపు జనవరి 10వ తేదిన లవ్ స్టోరీ అంటూ శేఖర్ కమ్ముల తన మార్క్ టీజర్ తో సిద్ధంగా ఉన్నాడు. నాగచైతన్య, సాయిపల్లవిల మధ్యన కెమిస్ట్రీ చూస్తుంటే సినిమా బంపర్ హిట్ కొట్టేలాగానే కనిపిస్తోంది. అంతేకాకుండా, మూవీ టీమ్ వీరిద్దరి పోస్టర్స్ ని షేర్ చేస్తూ సినీ లవర్స్ లో క్యూరియాసిటీని పెంచేసింది. అందుకే ఈ టీజర్ కోసం కూడా చాలామంది ఆతృతగా ఎదురుచూస్తున్నారు. ఇలా సంక్రాంతి పండగని టార్గెట్ చేస్తూ చాలా సినిమాలు టీజర్స్ తో, గ్లిమ్స్ తో, పోస్టర్స్ తో సందడి చేయబోతున్నాయి. ఇక రిలీజవ్వబోయే సినిమాల నుంచి కూడా థియేట్రికల్ ట్రైలర్స్ రాబోతున్నాయి.

ఇక సినిమా ఇండస్ట్రీ అంతా ఎంతగానో ఎదురుచూస్తున్న ట్రిబుల్ ఆర్ సినిమాకి సంబంధించిన టీజర్ ని కూడా జనవరి నెలలోనే 26వ తేదిన రిలీజ్ చేయడానికి ప్లాన్ చేస్తున్నారు. ఇక ఇది కూడా వస్తే యూట్యూబ్ షేక్ అయిపోవడం గ్యారెంటీ.

ఈ జనవరి నెలలో ఒకవైపు సినిమాలు రీలీజవుతూ, ప్రీ రిలీజ్ ఈవెంట్స్ అవుతూ సందడి చేస్తుంటే, మరోవైపు ఫ్యాన్స్ ఎంతగానో ఎదురుచూస్తున్న సినిమా టీజర్స్ కూడా మంచి కిక్ ఇవ్వబోతున్నాయి.