స్టార్ మ్యూజిక్ డైరెక్టర్లలో ఒకరైన థమన్ బాలయ్య అభిమానులకు అదిరిపోయే తీపికబురు అందించారు. అతి త్వరలో అఖండ మూవీ నుంచి ఫస్ట్ సింగిల్ రిలీజ్ కానుందని థమన్ వెల్లడించారు. సీనియర్ ఎన్టీఆర్ పుట్టినరోజు కానుకగా మే 28వ తేదీన రిలీజ్ కావాల్సిన అఖండ సినిమా వేర్వేరు కారణాల వల్ల వాయిదా పడగా అక్టోబర్ నెలలో ఈ సినిమా రిలీజ్ కానుందని సమాచారం అందుతోంది. ఆర్ఆర్ఆర్ కు బదులుగా అక్టోబర్ 13వ తేదీన అఖండ రిలీజ్ కావచ్చని ఇండస్ట్రీ వర్గాల్లో వినిపిస్తోంది.
అఖండ సినిమాలో హీరోయిన్లుగా ప్రగ్య జైస్వాల్, పూర్ణ నటిస్తున్నారు. బాలయ్య సినిమాకు థమన్ ఎలాంటి పాటలు ఇచ్చారో తెలియాలంటే మరికొన్ని రోజులు ఆగాల్సిందే. అతి త్వరలో అఖండ మేకర్స్ నుంచి రిలీజ్ డేట్ కు సంబంధించిన స్పష్టత వచ్చే అవకాశం అయితే ఉంది. బాలయ్య ఫ్యాన్స్ అఖండ మూవీ కోసం ఆసక్తిగా ఎదురుచూస్తున్నారు. 70 కోట్ల రూపాయల బడ్జెట్ తో తెరకెక్కిన ఈ సినిమా 100 కోట్ల రూపాయల కలెక్షన్లను సాధిస్తుందని ఫ్యాన్స్ భావిస్తున్నారు.
అంచనాలను మించి అఖండ సక్సెస్ సాధిస్తుందని నందమూరి ఫ్యాన్స్ అభిప్రాయపడుతుండగా ఈ మూవీకి భారీ స్థాయిలో ప్రీ రిలీజ్ బిజినెస్ జరుగుతోందని సమాచారం. ఈ మధ్య కాలంలో బాలయ్య నటించిన సినిమాలు బాక్సాఫీస్ వద్ద అనుకున్న స్థాయిలో సక్సెస్ సాధించలేదు. మరోవైపు బోయపాటి శ్రీను సైతం ఈ సినిమాతో సక్సెస్ సాధించాలని అనుకుంటున్నారు. ఇప్పటికే ఈ సినిమా షూటింగ్ పూర్తైన సంగతి తెలిసిందే.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
