Thaman: ఆ స్టార్ హీరో థమన్ కు ఛాన్స్ ఇస్తారా..?

తెలుగులో కిక్ సినిమాతో భారీ స్థాయిలో గుర్తింపును సంపాదించుకున్న థమన్ వరుసగా స్టార్ హీరోలతో సినిమాలు చేస్తూ మ్యూజిక్ డైరెక్టర్ గా సత్తా చాటుతున్నారు. ఒకవైపు యంగ్ హీరోలతో సినిమాలు చేస్తూనే మరోవైపు సీనియర్ హీరోలతో కూడా సినిమాలు చేస్తూ థమన్ తన మ్యూజిక్ తో మెప్పిస్తున్నారు. బ్యాక్ గ్రౌండ్ స్కోర్ కూడా అద్భుతంగా ఇస్తారని పేరు తెచ్చుకున్న థమన్ దాదాపు అందరు టాలీవుడ్ హీరోలతో పని చేశారు. అయితే ప్రభాస్ థమన్ కాంబినేషన్ లో మాత్రం ఇప్పటివరకు ఒక్క సినిమా కూడా రాలేదు.

థమన్ ప్రభాస్ సినిమాకు మ్యూజిక్ అందించాలని ఆశ పడుతుండగా థమన్ ఆశ ఎప్పటికి నెరవేరుతుందో చూడాల్సి ఉంది. ప్రభాస్ హీరోగా నటించిన రెండు సినిమాలకు మ్యూజిక్ డైరెక్టర్ గా థమన్ పేరు వినిపించినా కొన్ని కారణాల వల్ల ఈ కాంబినేషన్ లో సినిమా రాలేదు. ప్రభాస్ వరుసగా పాన్ ఇండియా సినిమాల్లో నటిస్తూ బాలీవుడ్ మ్యూజిక్ డైరెక్టర్లకే ఎక్కువగా ఛాన్స్ ఇస్తున్నారు. రెబల్, సాహో సినిమాలకు మ్యూజిక్ డైరెక్టర్ గా మొదట థమన్ పేరు వినిపించగా థమన్ కు చివరకు నిరాశే ఎదురైంది.

ప్రభాస్ థమన్ కు ఛాన్స్ ఇస్తారో లేదో చూడాల్సి ఉంది. ప్రస్తుతం టాలీవుడ్ లోని స్టార్ హీరోలు నటిస్తున్న సినిమాలలో ఎక్కువ సినిమాలకు థమన్ సంగీతం అందిస్తున్నారు. థమన్ మ్యూజిక్ డైరెక్టర్ గా త్వరలో మరికొన్ని ప్రాజెక్టులకు సంబంధించిన ప్రకటనలు వెలువడే అవకాశాలు ఉన్నాయని తెలుస్తోంది. థమన్ తన ట్యూన్స్ తో ప్రభాస్ తో ఎప్పుడు స్టెప్పులేయిస్తారో చూడాల్సి ఉంది.

Most Recommended Video

ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!