ఎంటర్టైన్మెంట్ రంగంలో వచ్చిన విప్లవాత్మక మార్పు డిజిటల్ ప్లాట్ ఫార్మ్స్. రోజు రోజుకు డిజిటల్ ఫార్మట్ మార్కెట్ పెద్దది అవుతుండగా అందరూ ఇటు వైపే చూస్తున్నారు. పెద్ద పెద్ద స్టార్స్ కూడా ఇదే భవిష్యత్తుగా భావిస్తున్నారు. ఇప్పటికే కొందరు హీరోలు, హీరోయిన్స్ ఓ టి టి బాట పట్టటడం జరిగింది. హీరో అభిషేక్ నటించిన ఓ వెబ్ సిరీస్ ఇప్పటికే విడుదల అయ్యింది. బ్రీత్ అనే టైటిల్ తో తెరకెక్కిన ఈ సిరీస్ ద్వారా హీరోయిన్ నిత్యామీనన్ ఎంట్రీ ఇవ్వడం విశేషం. అలాగే హీరో హృతిక్ రోషన్ రెండు వెబ్ కంటెంట్ సినిమాలు చేయనున్నారట.
ఇక టాలీవుడ్ టాప్ హీరోయిన్ సమంత ఇప్పటికే ది ఫ్యామిలీ మ్యాన్ 2 వెబ్ సిరీస్ లో నటిస్తుంది. చిత్రీకరణ దశలో ఉన్న ఈ సిరీస్ త్వరలో విడుదల కానుంది. తెలుగు తమిళ చిత్రాల్లో దూసుకుపోతున్న ఇద్దరు హీరోయిన్స్ కలిసి ఓ వెబ్ సిరీస్ చేయనున్నారట. నటుడు శరత్ కుమార్ కుమార్తె వరలక్ష్మీ శరత్ కుమార్ ఇప్పటికే ఓ మూవీలో నటించగా అది ఓ టి టి ప్లాట్ ఫార్మ్ లోకి అందుబాటులోకి వచ్చింది. డానీ పేరుతో ఆమె నటించిన ఇన్వెస్టిగేటివ్ థ్రిల్లర్ జీ 5లో విడుదల అయ్యింది.
ఇక టాలెంటెడ్ హీరోయిన్ గా పేరున్న ఐశ్వర్య రాజేష్ సైతం ఓ టి టి ఎంట్రీకి సిద్ధం అవుతున్నారట. వరలక్ష్మీ తో కలిసి ఆమె ఓ వెబ్ సిరీస్ చేస్తారట. విశేషం ఏమిటంటే, ఈ సిరీస్ లో వీరిద్దరూ సవతుల వలె నటిస్తారట. ఒకే భర్తను చేసుకున్న భార్యలుగా వీరి పాత్రలు ఉంటాయని సమాచారం. కంటెంట్ కూడా కొంచెం బోల్డ్ గానే ఉంటుందని సమాచారం. మరి చూడాలి ఈ ఇద్దరు భామలు సవతులుగా తెరపై ఏ స్థాయిలో అలరించనున్నారో.
Most Recommended Video
‘ఉమామహేశ్వర ఉగ్రరూపస్య’ హీరోయిన్ రూప గురించి మనకు తెలియని విషయాలు..!
పోకిరి మూవీలో పూరిజగన్నాథ్ సోనూసూద్ నీ హీరోగా అనుకున్నాడట!
క్రేజీ హీరోలను లాంచ్ చేసే అవకాశాన్ని మిస్ చేసుకున్న డైరెక్టర్లు?
