‘ఆ మాట గుండె మీద చెయ్యి వేసుకుని చెప్పు అల్లు అరవింద్’ అంటూ షాకింగ్ కామెంట్స్ చేసిన మోహన్ బాబు..

ఇప్పుడంటే యూట్యూబ్‌లో ఆడియో, వీడియో సాంగ్స్, టీజర్, ట్రైలర్ వ్యూస్ రికార్డ్స్, ఓటీటీ స్ట్రీమింగ్ రికార్డ్స్, వందల కోట్ల కలెక్షన్ల గురించి చర్చలు, రచ్చలు జరుగుతున్నాయి కానీ అప్పట్లో థియేటర్స్, 100, 1775 డేస్ రికార్డ్స్, ఏ సినిమా ఎంత వసూలు చేసింది అనే హంగామా నడిచేది. అలా ఓ రెండు సినిమాల విషయంలో అగ్ర నిర్మాత అల్లు అరవింద్, కలెక్షన్ కింగ్ మోహన్ బాబుల మధ్య మౌనంగానే మాటల యుద్ధం నడిచింది.

తమ సినిమాదే రికార్డ్ అంటే తమదే రికార్డ్ అంటూ ఇద్దరూ ఇచ్చిన ఇంటర్వూకి సంబంధించిన ఆసక్తికర వార్తలు సోషల్ మీడియాలో చక్కర్లు కొడుతుంది. వివరాల్లోకి వెళ్తే.. శ్రీకాంత్, రవళి, దీప్తి భట్నాగర్ హీరో హీరోయిన్లుగా.. దర్శకేంద్రుడు కె. రాఘవేంద్ర రావు తెరక్కెకించిన బిగ్గెస్ట్ బ్లాక్ బస్టర్ ఫిలిం ‘పెళ్లిసందడి’.. మ్యూజికల్ హిట్‌గా నిలిచిన ఈ మూవీ రికార్డ్ స్థాయి వసూళ్లు రాబట్టింది. 1996 జనవరి 12న విడుదలైన ఈ చిత్రాన్ని అశ్వినీ దత్, అల్లు అరవింద్ నిర్మించారు.

100 రోజుల ఫంక్షన్‌కి మెగాస్టార్ చిరంజీవి ముఖ్య అతిథిగా విచ్చేశారు. అయితే ‘పెళ్లిసందడి’ అప్పటివరకు తెలుగు చలనచిత్ర చరిత్రలో ఏ సినిమాకీ రాని కలెక్షన్లు కురిపించిందని.. రజతోత్సవం సందర్భంగా అల్లు అరవింద్ పాత్రికేయులతో చెప్పారు. కొందరు ‘పెదరాయుడు’ ప్రస్తావన తెస్తే.. ‘పేర్లు అనవసరం.. మా సినిమాదే ఇప్పటి వరకు అత్యధిక రికార్డ్’ అన్నారు. అప్పుడు మౌనంగా ఉన్న మోహన్ బాబు.. తను నటిస్తున్న ‘అడవిలో అన్న’ షూటింగ్ టైంలో..

తన ‘పెదరాయుడు’ రికార్డులను ఎక్కడా, ఏ చిత్రమూ జయించలేదు అని స్టేట్‌మెంట్ ఇచ్చారు. అంతేకాదు.. ‘‘కాదని వాళ్లను గుండె మీద చెయ్యేసుకుని చెప్పమనమని.. దేవుడి మీద ప్రమాణం చేద్దాం రమ్మనండీ’’ అంటూ ఛాలెంజ్ చేశారు. తాను ఖచ్చితమైన వాస్తవాలతోనూ, నిజమైన కలెక్షన్లు తెలుసుకుని మాట్లాడుతున్నాననీ, తనకు అంకెల గారడీ చేత కాదని కూాడా అన్నారు. ‘‘మరి ఎవరి మాట నమ్మాలి?.. కలెక్షన్ల రికార్డ్ సంగతి ఎలా ఉన్నా.. వివాదాలలో ఇది కొత్త రికార్డు’’ అంటూ కథనం ప్రసురించిన వార్త వైరల్ అవుతోంది.

రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!

మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!