ఏడాది గడవకముందే.. 2 సినిమాలు రిలీజ్ చేశాడు ప్రభాస్ (Prabhas) . మరో 2 రోజుల్లో ‘కల్కి 2898 ad ‘ (Kalki 2898 AD) కూడా రిలీజ్ కాబోతోంది.ఈ సినిమా కోసం ప్రభాస్ అభిమానులతో పాటు యావత్ సినీ ప్రేక్షకులు ఎంతో ఆసక్తిగా ఎదురుచూస్తున్నారు. టికెట్ల కోసం సోషల్ మీడియాలో డిస్కషన్స్ కూడా ఏ రేంజ్లో ఉంటున్నాయో చూశాం. ‘మహానటి’ (Mahanati) తర్వాత దర్శకుడు నాగ్ అశ్విన్ (Nag Ashwin) రూపొందించిన మూవీ ఇది.కేవలం 2 మిడ్ రేంజ్ సినిమాలు మాత్రమే తీసిన..
ఆయన ఇంత పెద్ద బడ్జెట్ సినిమా ఎలా తీసాడో తెలుసుకోవాలనే ఆసక్తి కూడా జనాల్లో ఉంది. అది తెలుసుకోవాలంటే మరికొన్ని గంటలు మనం వెయిట్ చేయక తప్పదు. ఇదిలా ఉండగా.. ‘కల్కి..’ ఇంకా రిలీజ్ కాలేదు, అప్పుడే ప్రభాస్ నెక్స్ట్ సినిమాలకి సంబంధించిన అప్డేట్స్ కూడా రెడీ అయిపోతున్నాయి. అవును ప్రభాస్ హీరోగా ‘రాజా సాబ్’ (The Rajasaab) మూవీ సెట్స్ పై ఉంది.
మారుతీ ఈ చిత్రానికి దర్శకుడు. ‘పీపుల్ మీడియా ఫ్యాక్టరీ’ సంస్థపై టి.జి.విశ్వప్రసాద్ (T. G. Vishwa Prasad) ఈ చిత్రాన్ని నిర్మిస్తున్నారు. తమన్ (S.S.Thaman) సంగీత దర్శకుడు. ప్రభాస్ సరసన మాళవిక మోహనన్ (Malavika Mohanan) , నిధి అగర్వాల్ (Nidhhi Agerwal) ..లు హీరోయిన్లుగా నటిస్తున్నారు. ఈ ఏడాది సంక్రాంతికి ప్రభాస్ లుంగీ కట్టి నడిచి వస్తున్నట్టు ఓ మాస్ పోస్టర్ ని విడుదల చేశారు.
దానికి మంచి రెస్పాన్స్ వచ్చింది. త్వరలోనే ‘రాజా సాబ్’ నుండి ఓ మంచి గ్లింప్స్ ను రిలీజ్ చేసి.. సినిమా పై బజ్ తీసుకురావాలని మేకర్స్ ప్లాన్ చేస్తున్నారు. త్వరలోనే దీనిపై అధికారిక ప్రకటన కూడా రానుంది. 2025 సంక్రాంతికి ఈ సినిమా రిలీజ్ అయ్యే అవకాశాలు ఉన్నాయి.
