నాగ చైతన్య బాలీవుడ్ ఎంట్రీ వెనుక అంత కథ ఉందా?

అక్కినేని నాగ చైతన్య.. ఇప్పుడు వరుస సినిమాలతో బిజీగా గడుపుతున్నాడు. ప్రస్తుతం శేఖర్ కమ్ముల డైరెక్షన్లో ‘లవ్ స్టోరీ’ చిత్రంలో నటిస్తున్నాడు. మేలో సమ్మర్ కానుకగా ఈ చిత్రం విడుదల కాబోతుంది. ఈ సినిమా పై భారీ అంచనాలే నెలకొన్నాయి. దీని తరువాత విక్రమ్ కుమార్ డైరెక్షన్లో ‘థాంక్యూ’ అనే మూవీ చేస్తున్నాడు. అది కూడా పూర్తయ్యాక తరుణ్ భాస్కర్ మరియు ఇంద్రగంటి మోహన్ కృష్ణ వంటి క్రేజీ డైరెక్టర్లతో సినిమాలు చెయ్యడానికి సన్నాహాలు చేసుకుంటున్నాడు.

అంతేకాదు ఇప్పుడు బాలీవుడ్ ఎంట్రీ ఇవ్వడానికి కూడా రెడీ అయిపోయాడు. ఆమిర్ ఖాన్ హీరోగా నటిస్తున్న ‘లాల్ సింగ్ చడ్డా’ సినిమాతో బాలీవుడ్ ఎంట్రీ ఇవ్వబోతున్నాడు చైతన్య.హాలీవుడ్ మూవీ ‘ఫారెస్ట్ గంప్’ కు ఇది రీమేక్ అని తెలుస్తుంది. నిజానికి మొదట ఈ పాత్రకు విజయ్ సేతుపతిని సంప్రదించారట. మొదట అతను కూడా గ్రీన్ సిగ్నల్ ఇచ్చాడు. కానీ ఆ తరువాత వరుస ప్రాజెక్టులతో బిజీగా ఉన్న నేపథ్యంలో ఈ ప్రాజెక్ట్ కు డేట్స్ అడ్జస్ట్ చేసే వీలు లేక తప్పుకున్నాడని టాక్.

దాంతో నాగ చైతన్య ను ఫైనల్ చేశారట. ఈ మధ్యనే హీరో ఆమిర్ ఖాన్ కు కరోనా సోకిన సంగతి తెలిసిందే. దాంతో ఆయన ప్రస్తుతం హోమ్ క్వారెంటైన్లో ఉంటున్నాడు. పూర్తిగా కోలుకున్నాక ఈ చిత్రం షూటింగ్లో జాయిన్ అవుతాడని సమాచారం.రెండో షెడ్యూల్ నుండీ చైతన్య జాయిన్ అయ్యే అవకాశం ఉందని వినికిడి.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!