టాలీవుడ్ స్టార్ హీరోయిన్లలో ఒకరైన శృతి హాసన్ తెలుగులో వరుస సినిమా ఆఫర్లతో బిజీ అవుతున్న సంగతి తెలిసిందే. ప్రభాస్ కు జోడీగా సలార్ సినిమాలో నటిస్తున్న శృతి హాసన్ చిరంజీవి, బాలయ్యలకు జోడీగా వరుస సినిమా ఆఫర్లను సొంతం చేసుకుంటున్నారు. గర్భవతి కావడంతో కాజల్ సినిమాలకు దూరం కావడం వల్ల శృతి హాసన్ కు సినిమా ఆఫర్లు అంతకంతకూ పెరుగుతుండటం గమనార్హం. సీనియర్ స్టార్ హీరోలకు జోడీలను ఎంపిక చేయడం మేకర్స్ కు తలనొప్పిగా మారిందనే సంగతి తెలిసిందే.
అందువల్లే తెలుగులో శృతి హాసన్ కు వరుసగా సినిమా ఆఫర్లు వస్తున్నాయి. మరోవైపు అనుష్క, నయనతార పరిమితంగా సినిమాలలో నటిస్తున్నారు. అనుష్క కథ నచ్చితే మాత్రమే కొత్త సినిమాలకు గ్రీన్ సిగ్నల్ ఇస్తుండగా నయనతార ఒక్కో సినిమాకు 5 కోట్ల రూపాయలకు అటూఇటుగా రెమ్యునరేషన్ డిమాండ్ చేస్తున్నారు. అందువల్ల శృతి హాసన్ మాత్రమే సీనియర్ హీరోలకు బెస్ట్ ఆప్షన్ గా నిలుస్తున్నారు. మరి కొందరు హీరోయిన్లు కూడా సీనియర్ హీరోలకు జోడీగా నటించడానికి ఓకే చెబుతున్నా ఆ హీరోయిన్లు స్టార్ హీరోయిన్లు కాకపోవడం గమనార్హం.
చిరంజీవి బాబీ కాంబో మూవీలో శృతి హాసన్ హీరోయిన్ గా ఎంపికైనట్టు తాజాగా అధికారిక ప్రకటన వెలువడింది. బాలయ్య గోపీచంద్ మలినేని కాంబో మూవీలో గమ్మత్తైన రోల్ లో నటిస్తున్నానని శృతి హాసన్ ఇప్పటికే వెల్లడించారు. శృతి హాసన్ ప్రస్తుతం ఒక్కో సినిమాకు 2 కోట్ల రూపాయల నుంచి 2.5 కోట్ల రూపాయల వరకు తీసుకుంటున్నారని సమాచారం అందుతోంది. సినిమాసినిమాకు శృతి హాసన్ కు క్రేజ్ పెరుగుతుండగా తర్వాత సినిమాలతో కూడా శృతి హాసన్ విజయాలను సొంతం చేసుకుంటారేమో చూడాల్సి ఉంది.
పలువురు దర్శకులు తమ సినిమాలో శృతి హాసన్ నటిస్తే సినిమా హిట్ అని నమ్ముతున్నారు. ఈ రీజన్ వల్లే పలువురు దర్శకులు తమ సినిమాలలో శృతి హాసన్ కు సినిమా ఆఫర్లు ఇస్తుండటం గమనార్హం.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
